Afuna atu

Vyairile Yesu

VIDIYO: Yesu na i-yana wau Samariya

1. Muonele VIDIYO, venango muleri Juwau 4:6-9. Mwamala mutapanye vyofuka vyo-arelavi:

1. N’nga Yesu aidhi n’ni vya-iyanula a-anarome m’tapanyana?

2. Yesu aongile ira: “Mundiva-e ma-inje omwa.” Mwasiwa ngwan’ni yen’na yali ndhila yapama yoroma tapanya na liye?

Vinofunjedhavo i-yo wa Yesu

2. Vinooda niwendela pama natapanya naatu mwasa unango oi unoairi-a ira takaena ifunelo.

Vinairenyo vofuna m’sazi-edha Yesu

3. Mukalenga okozeya chinja. Kamukamelenga ira murome tapanya naatu mwasa ukozeele nyo baa-i. Munooda roma tapanya myasa inango inoongiwecha wiliwili. Dhifukeni ira:

1. ‘N’nga manotisiani munoongiwa vyoi a-vi?’

2. ‘N’nga amwandamananga, afwanga a basani, venango afwanga a xikolani tanoonga vyoi a-vi?’

4. Muonechechenga pama. Dhifukeni ira:

1. ‘N’nga mutuula unoira n’ni? N’nga venango unothuulelan’ni?’

2. ‘N’nga viwarile liye, moda munoongela liye, venango vandhevee vinothonyi-edha ira mutu wen’na unamakalelo a-vi, thitho unororomela vyoi a-vi?’

3. ‘N’nga yen’na ndi hora yapama ira nditapanye na liye?’

5. Muvuruwanenga.

1. Kamuongenga vinjinji.

2. Mum’va-enga pata mutuo ira aonge mathuulelwee. Vyaodeya munooda m’fuka vyofuka.