Onga mwaibaliwelo

Vyairile Filipi

VIDIYO: Filipi atoolaleela lombwana wa izo wau Etiopiya

1. Muonele VIDIYO, venango muleri Mayirelo 8:30, 31. Mwamala mutapanye vyofuka vyo-arelavi:

1. N’nga Filipi aromile a-vi tapanya na mutuo?

2. Mwasiwa ngwan’ni roma tapanya mundhila yen’na wali waibaliwelo, n’nga vyevi vyam’kami-idhe a-vi lombwanuo funjedha makundu mapya aimbarimbari?

Vinofunjedhavo i-yo wa Filipi

2. Natapanyanga naatu mwaibaliwelo vinoakami-a kala omasuwa thitho katinorucheya vivuruwa.

Vinairenyo vom’sazi-edha Filipi

3. Muonechechenga pama. Munooda idhiwa vinjinji vyokuza mutuo, voona moda uimenle liye, munoongela liye thitho moda munooneela kovee. N’nga unooneya ira utokaana ifunelo ira mum’tapanyanee? Munooda roma tapanya na liye likundo linango la Bibilyani vom’fuka ira: “N’nga munoidhiwa ira . . . ?” Kamum’kanyi-edhe mutu oi kanofuna ira mutapanye.

4. Mukalenga oleva rima. Kamukaengana mathuulelo oroma vevovene tapanya na mutu makundo a Bibilyani. Mudedi-edhe fiyedha vaoneya pata wapama ira murome tapanya mwaibaliwelo. Hora dhinango munofwanela dedi-edha fiyedha vanakaena nyo okoka ngari yom’mwaredhana mutuo.

5. Mukalenga okozeya chinja. Mutu unooda romi-a mwasa unango. Ee-no mukalenga okozeya tapanya na liye likundo n’nango lovwelana na viongile liyevyo angalive ira kamwakozeele vyevyo.