N’nga “mutofunjedha sengeredo” yokala okwakwanana vyongo vina nyo?

1. N’nga kala okwakwanana vyongo vinanyo vinothapulela n’ni, ninga kavinothapulela n’ni?

N’nga munokala okwakwanana vyongo vina nyo? Mutu okwakwanana vyongo vina liye unokala osangalala thitho unokaana rendele athuulelanga vyongo vyapama vyevyo Yohova vim’va-idhe liye. Liye kanosukwala venango thakaleliwa namwasa oi kaana vyongo vinangovye. Mbwenye kala okwakwanana vyongo vina i-yo kavinothapulela ira kanikhumbanyedhenga vyaingumi-u. Mwaifwanafwani-o Kristau unoira pama thuulela vya hora yeniyo inaire liye vinjinji vom’lambele Yohova. (Aro. 12:1; 1 Ti. 3:1) Angalive ira vili ee-no liye kanosukwala aona ira kanofwanya ngari yaurumiwi yeniyo yadedi-edha liye.

2. N’nga kala o-okwakwanana vyongo vina i-yo koopi-a moi a-vi?

² Akwakwanana vyongo vina i-yo unoromi-a nyarwa dhilukhulu. Atu enao a-anokwakwanana vyongo vina aliwa, anooda laba basa wahora indendai naifunelo yoi tafwanye vyongo vyo-ofuneya maningi. Pyovwi-a tangaranga ira Makristau enango tanofiya voba kobiri venango vyongo vyevyo vinofuna aliwa. Aliwa anodhiwandela ira, ‘ninofuneela vyongo vyevi,’ ‘nditodedi-edha wahora indendai,’venango ndinodha weli-a kobiridhi.’ Mbwenye uba wa tundu uliwethene kunodhiveliwi-a Yohova malo mwee unon’nyozi-a. (San. 30:9) Atu enango tanosukwala namwasa oi katinowachela urumiwi unangwee, moi anofiya vo-iya nlambela Yohova. (Agal. 6:9) Chini inairi-e rumiwi wa Yohova fiya voirana vyevi? Yorucha inooda kala ira mutuwo atoo-iya kala okwakwanana vyongo vina liye.

3. N’nga ndilikhundo liivi lolimbi-a linofwanya i-yo va Afilipi 4:11, 12?

³ I-yo othene ninooda kala okwakwanana vyongo vina i-yo. Rumiwi Paulo atolemba ira “atofunjedha kala okwakwanana vyongo vyana liye vo-otukulela mwemo vyongo mwali aliwa vaingumiyee.” (Muleri Afilipi 4:11, 12.) Liye atolemba madhu enala angali perezo. Angalive ira vyali ee-ni, liye anoosangalala. Paulo ali angafunjedhile sengeredo yokala okwakwanana vyongo vyana liye. Akala vinonirucha kala okwakwanana vyongo vina i-yo, madhu a Paulwala thitho vyongo vyevyo vyam’mwireele, vinooda nikami-a idhiwa ira i-yo thitho ninooda kala okwakwanana vo-otukulela mwemo vyongo muli aliwa vaingumi yi-u. Kanithuulelenga ira kala okwakwanana vina i-yo kokweya, malo mwee ninofwanelela ira funjedha. Dhoweni nioneni makalelo ananikami-e funjedha sengeredo yokala okwakwanana vyongo vina i-yo.

NIKALENGA OSIMBA

4. N’nga rima osimba unonikami-a a-vi ira nikalenga okwakwanana vyongo vina i-yo? (1 Atezalonika 5:18)

⁴ Hora dhinjinji mutu osimba unokala okwakwanana vyongo vinaliye. (Muleri 1 Atezalonika 5:18.) Akala ninosimba vyongo vyofuneya vyevyo vina i-yo vaingumi yi-u, kaninaode sukwala na vyongo vyevyo vinofuna i-yo na-aodenga vifwanya. Nasimbanga ngari ya urumiwi una i-yo, ninongosangalala thitho ira thindhi vaurumiwi-uo, malo mothuulela wachela urumiwi unango upya. Ngumwasee malemba anonilimbi-a ira nisimbenga Yohova m’malobelwi-u. Rima osimba unonikami-a kaana “rendele wa Nlungu wenuo kaninaode uvwechecha.”—Afil. 4:6, 7.

5. N’nga ndi vyongo viivi vyaairi-e Aisraeli kala osimba? (Muone thitho iruthiruthi.)

⁵ Kathuulelani vyevyo vyaireele Aisiraeli. Hora dhinjinji, aliwa tanom’dungunyela Yohova ira tanorambulela vyodya vyadyecha aliwa wu Iguputu. (Num. 11:4-6) Pyaimbarimbari ira ingumi ya kokolani yali yorucha. N’nga chini yafune akami-a ira takale okwakwanana vyongo vyana aliwa? Aliwa tanofuneela thuulela thitho simba vyevyo Yohova vyaairela aliwa. Tangali wu Iguputo tanooni-iwa nyarwa ninga adhaari, thitho Yohova atoagwi-edha misawu 10 Aiguputu. Aisraelao tangathathuliwile, aliwa “tatotukula vyongo vinjinji vya Aiguputu” ninga siliva, oro na vyowara. (Eki. 12:35, 36) Aisraelao tangasanyeile vari va anyakhondo a Farao na bara yofiila, Yohova atogaani-a bariyo modabwi-a. Thitho vevo vawenda aliwa kokolani, dambo nlilothene Yohova anowava-echa mana. N’nga yorucha iwa yali vaavi? Katakwakwanana vyongo vyakaechana aliwa, a-kala namwasa oi katana vyodya, mbwenye katasimba vyongo vyana aliwa.

6. N’nga chini inanikami-e kala mutu osimba?

⁶ N’nga ninaire a-vi ira nikaena rima osimba? Yoroma, dambo nlilothene nifwanyenga hora yothuulela vyongo vyapama vina i-yo. Munooda lemba vyongo vinli venango viraru vyevyo vinosimba nyo. (Mal. 3:22, 23) Yanambili, muirenga vyongo vyothonyi-edha ira muli osimba. Mudhilimbi-edhenga simba vyevyo viuwireleni atu enango. Thitho kwaranya vyothene, hora dhothene musimbenga Yohova. (Sal. 75:1) Yaneraru mukaengana afwinyu enao anosimba. Akala afwinyu anosimba i-yo thitho ninokala osimba, mbwenye takala o-osimba, ninooda tukulela thitho makalelwiwao. (Dot. 1:26-28; 2 Ti. 3:1, 2, 5) Nathuulelanga hora yoi nisimbe atu enango kaninasukwale namwasa oi ninogumanana nyarwa dhinango dhee venango vyongo vinangovyee.

7. N’nga chini yamkami-idhe Aci ira akaena rima osimba, ninga vyo-arelavo vyee vyali vyoi a-vi?

⁷ Nathuulelanga vyevyo vyam’mwireele Aci oi unokala wu Indonesia. Liye aongile ira: “Vahora ya sau wa COVID-19, ndatooroma fwanafwani-edhela mwemo vyongo mwali aliwa vaingumi yanga na ya Makristau afwanga. Vyevi vyatooiri-a ira ndirome kaana rima o-okwakwanana vyongo vyana miyo.” (Agl. 6:4) N’nga chini yam’kami-idhe ira achinje? Liye aongile ira: “Ndatooroma thuulela maraeli-o afwanya miyo dambo nlilothene thitho vyongo vyapama vyafwaidhe miyo namwasa okala mugulu la Yohova. Ee-no ndatoosimba Yohova namwasa wa vyevyo. Vasogolovee ndatooroma kwakwanana vyongo vyana miyo.” Akala nyo thitho kamunosangalala na moda vyongo mukalele aliwa vainguminyu, vyairile Aci vinooda ukami-ani roma okoka kaana rima osimba.

DHOWANANIVE KALA OTHUULELA PAMA THITHO ODHIYEVI-A

8. N’nga chini yam’mwireele Baruki?

⁸ Vahora inango namalemba wa Jeremiya dhinalee Baruki kaakwakwanana vyongo vyana liye vaingumiyee. Liye atokaana basa lorucha lokami-a namaongela Jeremiya vevo vavelela liye milanyu yakopolo wa Aisraeli enao tali o-osimba. Vangavirile hora, Baruki ato-iya thuulela pama. Malo mothuulela maningi vyafuna Yohova, atooroma thuulela maningi vyofunavyee. Dhela mwa Jeremiya, Yohova atom’mwandela Baruki ira: “Weyo unosakasaka vyongo vilukhulu. I-yachi sakasaka vyongo vyevyo.” (Jer. 45:3-5) Veva vyali ninga anam’mwadela ira: “Ukwakwanengana vyongo vinawee vaingumi yaa.” Baruki ato-arela malangi-o thitho atoodhowanave lambela Yohova mosangalala.

9. Movwelana na 1 Akoritiyo 4:6, 7, n’nga dhiyevi-a unonikami-a zindielan’ni? (Muone iruthiruthi.)

⁹ Hora inango, Kristau unoona ira unofwanela va-iwa ngari inango yaurumiwi. Liye unooda kala wathindhi, wadodoliso venango oidhiwa vinjinji. Mbwenye ngari yaurumiwiyo aliwa m’va-a mutu unango. N’nga chini inam’kami-e ira a-asukwale? Liye unoira pama thuulela vyalembile rumiwi Paulo va 1 Akoritiyo 4:6, 7. (Muleri.) Urumiwi uliwethene unava-iwe i-yo, thitho dodoliso lothene linakaena i-yo linokhumela wa Yohova. Yohova kaniva-idhe yotuva yei namwasa oi nili avakhundu kwaranya atu enango. Malomwee unoniva-a vyotuvavi namwasa oriyawee rima ulukhulu.—Aro. 12:3, 6; Aef. 2:8, 9.

10. N’nga ninairen’ni ira nikale odhiyevi-a?

¹⁰ Ninooda kala odhiyevi-a nathuulelanga maningi ifwanafwani-o iniva-idhe Yesu. Kathuulelani vyaireile va nama-iyu Yesu vya-uwile liye manyalo aanamafunjedhee. Rumiwi Juwau atoolemba ira: ‘Yesu anooidhiwa ira [1] Babee utovelela vyongo vyothene mandanimwee thitho [2] ira atoodha khumela wa Nlungu thitho [3] ira unodhowa wa Nlungu. Ee-no, . . . atooroma u-wa manyalo anamafunjedhao.’ (Ju. 13:3-5) Yesu angaodile onga ira arumiweao mbafwanela u-wa manyalwee. Mbwenye liye angali vailambwila kaathuulelavo vyoi unofuneela khaana ingumi yavadhulu venango yapama. (Luk. 9:58) Yesu ali odiyevi-a thitho okwakwanana vyana liye, ee-no utoniva-a ifwanafwani-o yapama.—Ju. 13:15.

11. N’nga chin’ni yamkami-idhe Dennis ira akwakwanena vyongo vyanaliye?

¹¹ Dennis unokala wu Netherlands, ukanle adhilimbi-edhanga sazi-edha ifwanafwani-o ya Yesu vokala odhiyevi-a, mbwenye kai ira hora dhothene vyali vyokweya. Liye atoonga ira: “Hora dhinango ndinoona ira ndinosukwala venango thitho roma thonyi-edha ira ndili o-okwakwanana vyongo vina miyo, mofwanafwani-a, mutu unango ava-iwa urumiwi unofuna miyo. Vyevyo vyaireya ndinofunjedhavo mwasa okhuza dhiyevi-a. Ndatoogumanyi-a mu JW Library^® malemba enango okhuza dhiyevi-a. Naifunelo yoi ndaafwanyenga mombaranya noaleri moweli-edha weli-edha. Telefonini mwanga ndatoobaxarelamo mwasa oonga dhiyevi-a vinovuruwanecha miyo vaduzi navaduzi.a Nditofunjedha ira basa iliyothene inolaba i-yo, ifunelwee choi nivelele titimi-o wa Yohova a-kala wa i-yo. Uliwethene wa i-yo unoira ikhundu yoyeva, vokhami-a ira Yohova akwakwaneli-edhe ifunelwee.” Mwaona ira kamunokwakwanana vyongo vinanyo vaingumi inyu, dhilimbi-edheni ira murome kala odhiyevi-a. Vyevi vinoukami-ani ira mukale vauxamwali olimba na Yohova thitho kala okwakwanana vyongo vinanyo.—Yak. 4:6, 8.

MUTHUULELENGA VYA IDEDI-EDHO INYU

12. N’nga ndivyongo vivi vinilanyedhile Yohova vinonikami-a kala okwakwanana na vongo vina i-yo? (Esaya 65:21-25)

¹² Thuulelanga vyongo vinodedi-edhela i-yo sogolo unonikami-a kala okwakwanana vyongo vina i-yo. Madhu a Yohova alembile namaongela Esaya, anorumelela ira malamboano ingumi njorucha thitho inonisikimizeli-edha ira Yohova unodha mali-a nyarwa dhothene. (Muleri Esaya 65:21-25.) Ninodha kala munyumba dhapama thitho lobareleya. Ninodha laba mabasa apama thitho udya vyodya vyoriya navyova-a ingumi yapama. Khaninodha ova vyothakala vinoniireela malamboano venango vinoiireela a-imi-u. (Esa. 32:17, 18; Zak. 34:25) Khaninokaikela navang’onovene ira vyevi vinodha ireyadi.

13. N’nga ndivahora ivi simbwasimbwa, vevo vanofuneela i-yo thuulelanga vyongo vinilanyedhile Yohova?

¹³ Kwaranya walelene, va-eni ninofwanela thuulelanga maningi vyongo vinilanyedhile Yohova. Ninoonga ee-no namwasa oi ninokala “mumalambo omari-a” thitho ninooda gumanana vyongo vyorucha maningi. (2 Ti. 3:1) Dambo lililothene Yohova unonikami-a vilela voniva-a malangi-oee, kopolo thitho kami-o lililothene linofuneela i-yo. (Sal. 145:14) Wonjedhela veva, vyongo vinilanyedhile Yohova vinonikami-a vilela nyarwa ndinogumana i-yo vaingumii-u. Vinooneya ira vae-ni munorucheya fwanya vyongo vyofuneela vabanja linyu. N’nga vyevi vinotapulela ira munongorucheya modhowa nodhowa? Kabe. Yohova unolanyedha ira unodha uva-ani vyongo vinjinji vinofuneelanyo paradaizo. (Sal. 9:18; 72:12-14) Akala munorucheya na marenda malukulu venango thitho munogumanana vyorucha namwasa oulula, N’nga ndimwemo munakalele ingumi inyu modhowa nodhowa thitho mo-okaana idedi-edho iliyothene? Kabe. Marenda thitho ukwa kavinodha kalamo muilambo ipya. (Apk. 21:3, 4) Idedi-edho yei inonikami-a ira nikalenga kwakwanana na vyongo vina i-yo thitho kaninosukwala venango takaleliwa na moda uli vyongo va-eeni. Ninooda kala okwakwanana vyongo vina i-yo angalive ira ninogumanana vyongo vyo-olongomana, bulela marenda malukulu, kweliwa, venango gumanana vyowesedha vilivyothene. Ninoonga ee-no namwasa oi mo-obala ira vyongo vili a-vi va-eeni, “nyarwa dinogumanana i-yo ndi dhahora yoeva” ndinodha malelatu muilambo ipya yeniyo iwadamenle maningi.—2 Ak. 4:17, 18.

14. N’nga chini inanikami-e ira niroromelelanga maningi vyongo vinilanyedhile Yohova?

¹⁴ Namwasa wavyongo vinilanyedhile Yohova vinonikami-a ira nikalenga okwakwanana vyongo vina i-yo. N’nga ninaire a-vi ira idedi-edhwi-u ikale yolimba? Mofwanafwana na mutu unowara maoruko ira aonenga pama vyongo vili vandendai, i-yo thitho ninofwanela irana vyongo vinangovyee ira nilimbi-e idedi-edho yi-u naifunelo yoi nionenga vyongo vyapama vinodha sogolou paradaizoni. Mwaifwanafwani-o, nakhumbanyedhanga mwasa okhuza kobiri, nithuulelenga mwemo munofuna dakhalela vyongo hora yoi kobiri, mangawa, venango i-yana namwasa ofuma kavinoda kalaove. Sukwala namwasa oi kaninova-iwa urumiwi unangowee nithuulelenga mwemo ndikhumbanyedha weo munofuna aliwa kala o-ofuneya vasogolo vyoi nitokala olongomana m’lambela Yohova wavyawa vinjinji. (1 Ti. 6:19) Pyaimbarimbari ira vaee-ni ninokhumbanyedha vyongo vinjnji vyevyo vinoniiri-a ira nikhumbanyedhenga vyolanyedha vyasogolo. Mbwenye hora yaviranga ninoroma ona ira pyo-orucha thuulela va vyongo vinilanyedhile Yohova.

15. N’nga ninofunjedhavon’ni va vyongo vyaongile Christa?

¹⁵ Kathuulelani mwemo idedi-edho mwaakami-idhele aliwa Christa mwadhi Dennis umongile i-yo ndulimu. Liye aongile ira: “Nditokaana marenda oi anondiiri-a ira minokwanga ifookenga moi ndino-indi-edhela basa njinga dhaatu orangala thitho hora dhinjinji ndinokalecha ogonathene dambo lililothene ndakala ndivwanga upha maningi. Vachineneeva iferimerwanga atoondiwandela ira kadidedi-edhele ira vyongo vinodha kala pama. Mbwenye mobaranya datoothuulela ira, ‘ifirimerola kanoidhiwa vyasogolo ninga mwemo munoonela miyo.’ Miyo nditokaana idedi-edho inondiva-a rendele warimani. Va-eeni ndinofwanela vilela mbwenye ndinodha sangalala maningi muilambo ipya.”

“ATU OTHENE ANOM’MOVA KATINO RAMBULELA YONGO”

16. Mwasiwa ngwani Mwene Davide atoolemba ira mutu unom’mova Yohova “kanodha rambulela yongo”?

¹⁶ Rumiwi wa Yohova unokwakwanana vyongo vina liye unogumananave nyarwa. Kathuulelani vya Mwene Davide. Liye atookweliwa a-imee araru, atoongeliwavo vyonama, afwee enango tatom-iya thitho wa vyawa vinjinji anosakasakiwa ira aphiwe. Angalive ira anogumanana nyarwa dhothene dhedho, voonga Yohova, Davide atoonga ira: “Othene anom’mova katinodha rambulela yongo.” (Sal. 34:9, 10) Mwasiwa ngwan’ni atoonga vyevi? Namwasa oi liye atoidhiwa ira ninga atu a Yohova, kaninodedi-edhela ira na-agumanengana nyarwa, mbwenye ninokala osikimizela ira liye unoniva-a vinofuneela i-yo. (Sal. 145:16) Thitho ninom’nyindela ira anikami-enga vilela va vyowesedha vi-u vyothene. Ee-no ninooda kala okwakwanana vyongo vina i-yo.

17. Mwasiwa ngwan’ni mutosikimizela rimani mwinyu funjedha sengeredho yokala okwakwanana vin’na nyo?

¹⁷ Yohova unofuna ira mukalenga okwakwanana vyongo vina nyo. (Sal. 131:1, 2) Ee-no munofwanela dhilimbi-edha ira muidhiwe sengeredo yokala okwakwanana vyongo vina nyo. Mwakaana thindhi ira mukaena rima osimba, nokala othuulela pama thitho odhiyevi-a nokala ororomela maningi vyevyo Yohova vilanyedhile liye, munodha onga ira: “Ee ndinokwakwanana vyongo vina miyo.”—Sal. 16:5, 6.