N’nga munooda zindiyela imbarimbari?

1. N’nga ninovivwa a-vi nathuulelanga vya imbarimbari ifunjedhile i-yo?

ATU a Yohova anodhiveliwana imbarimbari yofwanyeya m’madhu a Nlungu. Vyongo vinoleri i-yo mumadhwee vinolimbi-a iroromelwi-u. (Aro. 10:17) Ninororomela ira Yohova utokaathi-a pingo waikritau ira “unilimbi-enga nobarela imbarimbari.” (1 Ti. 3:15) Ninosangalala maningi gonjela “atu enao anonisogolela” taonganga imbarimbari ya Bibilyani thitho niva-a malangi-o ovwelana na vyongo vinofuna Nlungu.—Aeb. 13:17.

2. Movwelana na lemba la Yakobo 5:19, n’nga chini inaniireele vasogolo vofunjedha imbarimbari?

² Angalive ira nitoidhiwa imbarimbari thitho funeya o-arela malangi-o a gulu la Nlungu, ninooda dimeli-iwa. (Muleri Yakobo 5:19.) Satana unofunechecha ira ni-iye roromela Bibilya thitho malangi-o anowachela i-yo kumela wu gulu la Nlungu.—Aef. 4:14.

3. Mwasiwa ngwan’ni ninofwanela i-indedhela imbarimbari? (Aefeso 6:13, 14)

³ Muleri Aefeso 6:13, 14. Vachineneeva, Namanami-a unodha indi-edha basa vyonama vofuna dodomi-a atu amaziza othene ira tam’runi-enga Yohova. (Apk. 16:13, 14) Ninoidhiwa thitho ira Satana unodha dhilimbi-edha maningi ira adodomi-e atu a Yohova. (Apk. 12:9) Ee-no ninooda ira pama funjedha i-yani-a imbarimbari na makhundo onama novwelanga imbarimbari. (Aro. 6:17; 1 Pe. 1:22) Irana vyevi unooda nikami-a ira nidhavulumuwe va nyarwa ilukulu.

4. N’nga ninofunjedhan’ni muyofunjedha yei?

⁴ Muyofunjedha yei ninotapanyani makalelo menli ananikami-e zindiyela imbarimbari yokumela Bibilyani thitho funeya o-arela malangi-o anova-iwa i-yo na gulu la Nlungu. Vasogolovee ninotapanya vyongo viraru vinaire i-yo ira ni-indedhele imbarimbari.

MAKALELO ANANIKAMI-E IRA NIZINDIYELE IMBARIMBARI

5. N’nga ova Yohova unanikami-e a-vi zindiyela imbarimbari?

⁵ Ova Yohova. Ova Yohova mofwanelela unonikami-a ira nim’dhiveliwengana maningi, moi kaninaire yongo iliyothene inam’sukwali-e. Ninofwanela funjedha ira niode i-yani-a vari va vyongo vyofwanelela na vyo-ofwanela thitho vari va makhundo aimbarimbari na makhundo onama, naifunelo yoi nim’sangalali-enga Yohova. (San. 2:3-6; Aeb. 5:14) Kaninofwanela rumeli-a ira niovenga maningi atu kwaranya mwemo munom’dhiveliwana i-yo Yohova, namwasa oi hora dhinjinji vyongo vinodhiveliwana atu kavinom’sangalali-a Nlungu.

6. N’nga ova atu wairi-idhe a-vi anamasogolela okwakwana 10 Aisraeli dodomi-a imbarimbari?

⁶ Naovanga maningi atu kwaranya Nlungu, vinooda niiri-a ira ni-iye imbarimbari. Ifwanafwani-o va mwasula ndi anamasogolela amaziza 12 enao tadhowile mazondela ilambo yalanyedhile Nlungu ira unodha ivelela wa Israeli. Anamasogolela 10 tanoova maningi Akanani kwaranya mwemo mwadhiveliwana aliwa Yohova. Aliwa tatooawandela Aisraeli afwiwa ira: “Kaninooda limbana naaliwa namwasa oi aliwa mba kopolo kwaranya i-yo.” (Num. 13:27-31) Imbarimbari choi ninga mwemo mwaonela atu, Akanani tali akopolo kwaranya Aisraeli. Mbwenye voonga ira Aisraeli khataode gonji-a amwidaniwa, kuongela ira katathuulela vya Yohova. Anamasogolela 10 ala, tafwanela thuulela vyevyo vyafuna Yohova ira Aisraeli taire. Tafwanela thitho thuulela vyongo vyaairele Yohova. Moi e-no tanga zindiyele ira kopolo dha Akanani dhali dhoyeva maningi vofwanafwani-edha na kopolo dha Yohova dho-okaana madile. Mo-iyana naanamasogolela o-okaana iroromelwale, Yoswa na Kalebe tafuna m’sangalali-a Yohova. Aliwa tatoawandela atwao ira: “Akala Yohova unosangalala na i-yo, unodha nivolocha muilambwiyo noniva-a.”—Num. 14:6-9.

7. N’nga ninaire a-vi ira nim’movenga maningi Yohova? (Muone thitho iruthiruthi.)

⁷ Ira niovenga maningi Yohova, ninofwanela kala ofunechecha ira nim’sangalali-enga va yongo iliyothene inosakula i-yo irana. (Sal. 16:8) Mwaleringa myasa ya Bibilyani mudhifukenga ira, ‘N’nga miyo nda-akalevo ndasakule irana n’ni?’ Mofwanafwani-a, kafwanafwani-edhelani ira munovwa anamasogolela amaziza 10 Aisraeli taonganga vyongo vyo-olimbi-a. N’nga mwaroromele vyongo vyaonga aliwavyo noroma ova atu? Venango dhiveliwana winyu Yohova wangauwiri-idheni irana vyom’sangalali-a? Aisraeli othene kataroromenle imbarimbari yaawandenle Yoswa na Kalebe. Vyo-arelavovyee vyali vyoi atu othene tatooluza ngari yovolowa muilambo yolanyedhiwa.—Num. 14:10, 22, 23.

8. N’nga ninofwanela vilimbi-edha kaana kalelo liivi, n’nga mwasiwa ngwan’ni?

⁸ Dhiyevi-a. Yohova unoonga imbarimbaree waatu odhiyevi-a. (Mat. 11:25) I-yo natoodhiyevi-a norumela ira nifunji-iwe imbarimbri. (May. 8:30, 31) Mbwenye ninofwanela ira polepole ira na-arome dhiulukuli-a. Gaya unooda niiri-a romanga ona ira mathuulelwi-u mbazelu maningi kwaranya makhundo amalembani na malangi-o anoniva-a gulu la Yohova.

9. N’nga ninaire a-vi ira nikaleve odhiyevi-a?

⁹ Ira nikale odhiyevi-a, ninofwanela thuulelanga ira nili ang’ono maningi vodhifwanafwani-edha na Yohova. (Sal. 8:3, 4) Ninofwanela lobela ira nikaena rima odhiyevi-a thitho ofunji-eya. Yohova unodha nikami-a ona ira mathuulelwee anofunjedha i-yo kumela Bibilyani thitho gulunimwee, mbofuneya maningi kwaranya mathuulelwi-u. Mwaleringa Bibilya, mufwanyenga umboni osikimizela ira Yohova unodhiveliwana atu odhiyevi-a a-kala ogaya venango odhiulukuli-a. Ninofwanela vilimbi-edha ira nikaleve odhiyevi-a nawachela urumiwi unaniiri-e kala mutu odhiulukuli-a.

VYONGO VINAIRE I-YO IRA NI-INDEDHELE IMBARIMBARI

10. N’nga Yohova ukadhi a-indi-edhanga basa ani ira avelele malangi-o wa atwee?

¹⁰ Muroromelenga maningi malangi-o okumela wu gulu la Nlungu. Walelene Yohova atoo-indi-edhela basa Mose na Yoswa vovelela malangi-o wa Aisraeli. (Yos. 1:16, 17) Aisraeli tanooraeli-iwa taonanga atu enala ninga oimelela Yohova Nlungu. Vangavirile vyawa vinjinji pingo wa Ikristau watokaathei-iwa thitho arumiwi okwakwana 12 mbavelela malangi-o. (May. 8:14, 15) Vasogolovee mu gulu laatu ovelela malangi-o ala, mwatookala thitho andimuwa awu Yerusalemu. Namwasa o-arela malangi-o aalombwana ororomeleyala, “atu mipingoni tatoodhowanave kaana iroromelo yolimba thitho numero yaatu yatoodhowanave wenjedheleya dambo na dambo.” (May. 16:4, 5) Thitho malamboano ninoraeli-iwa na-arelanga malangi-o okumela wu gulu la Yohova. N’nga Yohova unavivwe a-vi akala kaninovwela malangi-o aatu aasakulile liye ira tanisogolelenga? Ninooda fwanya yowakula ya yofuka yei vothuulela vyongo vyaireile vahora Aisraeli vyadhowa aliwa mavolowa muilambo yolanyedhiwa.

11. N’nga chini yaireile na Aisraeli enao takondile am’lemeza Mose wenuo Nlungu wam’sakunle liye ira aasogolelenga? (Muone thitho iruthiruthi.)

¹¹ Vahora inango Aisraeli vyali aliwa va ulendo odhowa ilambo yolanyedhiwa, alombwana enango ovweya tatoom’runi-a Mose na izo yava-iwile liye na Yohova. Aliwa tatoonga ira: “Gulu lothene leli [a-kala Mose baa-i] tochena thitho Yohova uli vari viwa.” (Num. 16:1-3) Pyaimbarimbari ira Nlungu anoona ira “gulu lothene lelo,” lali lochena mbwenye Yohova ali angamadhi sakula Mose ira asogolelenga atwee. (Num. 16:28) Vom’runi-a Mose, atu odhimbinuwelao tam’runi-a Yohova. Malo mothuulela vyongo vyafuna Yohova aliwa tathuulela maningi vyongo vyafuna aliwa. Tafuna ira takaena kopolo dhinjinji nokala ovweya. Nlungu atoopha atu taromi-idhe dhimbinuwelao naatu mamiliyao anjinji enao tali uikhundu yaatu odhimbinuwelao. (Num. 16:30-35, 41, 49) Malamboano thitho nitoidhiwa ira Yohova kanosangalala naatu anokonda lemeza malangi-o okumela gulunimwee.

12. Mwasiwa ngwan’ni ninofwanela roromelanga gulu la Yohova?

¹² Ninofwanela dhowanave roromela gulu la Yohova. Vakala machinjo avyongo vinororomela i-yo vamakhundo enango a Bibilyani venango ndhila inango yeniyo ino-indi-edha i-yo va basa ya umwene, atu anonisogolela katinokaikela chinja. (San. 4:18) Aliwa anoirana vyevi namwasa oi anofunechecha m’sangalali-a Yohova. Thitho aliwa anovilimbi-edha sakula vyoira vo-indi-edha basa madhu a Nlungu, namwasa oi ndi Bibilyani muli makhundo enao makristau othene ano-arela aliwa.

13. N’nga madhu oi “ifwanafwani-o ya madhu olinyali” anothapulelan’ni, n’nga ninofwanela iran’ni?

¹³ “Mu-indedheleve ifwanafwani-o ya madhu olinyali.” (2 Ti. 1:13) Madhu oi “ifwanafwani-o ya madhu olinyali,” anothapulela makhundo a Bibilyani enao makristau anororomela aliwa. (Ju. 17:17) Yongo iliyothene inororomela i-yo inokumela mumakhundo enala. Gulu la Yohova litonifunji-a ira ni-indi-edhenga basa makhundo enala. Nairanga vyevi, ninodha raeli-iwa.

14. N’nga Makristau enango tairilen’ni ira ta-iye a-rela “ifwanafwani-o ya madhu olinyali”?

¹⁴ N’nga chini inaireye akala nito-iya a-rela “ifwanafwani-o ya madhu olinyali”? Muhora ya arumiwi Makristau enango tanoonga myasa yonama yoi dambo la Yohova lali lingamadhi fiya. Vinooneya ira vatookala karta yaonga vyongo vyevi thitho atu tathuulela ira alembile ali Paulo. Makristau enango awu Tezalonika tatooroma roromela thitho mwadha vyevi ta-anafuke atu enango. Aliwa katanami-iwe aakale ira tatoothuulela vyongo vyaafunji-idhe Paulo vahora yali aliwa vambo-i. (2 At. 2:1-5) Liye atowalangi-a abaleao ira katiroromelenga vyongo vyothene vinovwa aliwa. Vofuna akami-a ira vyevi vya-aireyeve okhoka sogolou, Paulo atoomari-a lemba kartalee lanambili lodhowa wu Atezalonika na madhu oi: “Muwachele mwenyula wanga ulembile ngu miyo Paulo na dhandha langa. Hora dhothene ndinolembecha ee-ni mumakartanga othene ira muidhiwe ira ngu miyo ulembile. Mwemo pumunolembelecha miyo.”—2 At. 3:17.

15. N’nga ninavibarele a-vi wu myasa yonama yoi inooda oneya ninga yaimbarimbari? Muonge ifwanafwani-o. (Muone thitho viruthiruthi.)

¹⁵ N’nga ninofunjedhavon’ni va madhu a Paulo odhowa wa Atezalonika? Navwanga vyongo vyoi kavinovwelana na vyongo vinofunjedha i-yo Bibilyani venango vyongo vyonama, ninofwanela ira vyongo mwazelu. Muilambo yeniyo voroma yaromoliwa ira União Sovietica, amwidani-u tatoomwadha karta yooneya ninga ikumele wu Gulu li-u Lotonga. Kartalo latoolimbi-a abali enango ira taire masaka-edho okaana ixigulu inango yoviimelela vaokene. Kartalo laoneyadi ninga lakumele wu Gulu li-u Lotonga. Mbwenye abali ororomeleya katanami-iwile. Aliwa tatoozindiyela ira milanyo ya kartalo, kayavwelana na vyafunji-iwa aliwa. Malamboano amwidani-u tano-indi-edha basa ndhila dhipya ninga matelefoni na makoputadore vofuna ira tanidodomi-e venango niiri-a ira na-avwelanenga. Malo morumeli-a ira mutu uliwethene “achinje mathuulelolwi-u” enao ali olinyali, ninooda vibarela vothuulela mwapolepole vyongo vivwide i-yo venango leri akala ira vinovwelana namakhundo aimbarimbari anowaidhiwa i-yo.—2 At. 2:2; 1 Ju. 4:1.

16. Movwelana na lemba la Aroma 16:17, 18, n’nga ninofwanela iranan’ni akala ira atu enango tatoroma irana vyongo vyo-iyana na imbarimbari?

¹⁶ Dhowananive vwelana naatu ororomeleya wa Yohova. Nlungu unofuna ira nim’lambelenga movwelana na abali naarongoli-u. Ninooda dhowanave kala ovwelana akala nitoi-indedhela imbarimbari. Mutu uliwethene unoirana vyongo vyo-ovwelana na imbarimbari, unoromi-a ira atu pingoni ta-avwelanenga. Ngumwasee Nlungu unonilangi-a ira “naarambelenga.” Na-aire e-no nino-iya imbarimbari.—Muleri Aroma 16:17, 18.

17. N’nga zindiyela thitho i-indedhela imbarimbari unonikami-a a-vi?

¹⁷ Nazindiyela imbarimbari thitho i-indedhela, ninokala vauxamwali wapama na Yohova thitho ninokaana iroromelo yolimba. (Aef. 4:15, 16) Kaninodha nami-iwa na vyonama thitho migo-i ya Satana. Yohova unodha dhowanave nibarela va nyarwa ilukulu. Dhowananive i-indedhela imbarimbari, “thitho Nlungu warendele unodha kala nanyo.”—Afl. 4:8, 9.