N’nga munaire a-vi ira muodenga leri Bibilya dambo nlilothene?

N’nga vinouruchani a-rela thandha oleri Bibilya dambo na dambo namwasa oi munokalecha opingeya? (Yos. 1:8) Akala ndi e-no, muwesedhe a-rela imbo-i mwa vyongo vyo-arelavi:

• Mu-elenga alarme. Munooda e-la alarme va telefonini vinyu ira uuthuuchengani vahora yoleri Bibilya.

• Mu-elenga Bibilya linyu valimburo looneya. Akala muno-indi-edha basa Bibilya loira dindiwa, muli-elenga valimbulo loi munooda liona dambo nlilothene.—Dot. 11:18.

• Muvuruwanenga Bibilya loira garavariwa. Munooda vuruwana vahora inolaba nyo basa dambo nlilothene. Tara oi ndi painiya utokaana a-ima thitho unolaba basa nama-iyu atoonga ira, “Vuruwana Bibilya loira garavariwa wu ndilabanga mabasa avandhe, unondikami-a a-rela thandhanga oleri Bibilya dambo nlilothene.”

• Kamukaengana pwadho. Akala vatoireya vyongo vyo-odedi-edhela thitho mutoimwanana leri Bibilya vahora inolericha nyo, muleringa maversu oyeva mwa-anagone. Munooda ganyali masiki muleri maversu oyeva baa-i vadambo.—1 Pe. 2:2.