Leva rima

Vyairile Yesu

VIDIYO: Yesu atom’kami-a balee moleva rima

1. Muonele VIDIYO, venango muleri Juwau 7:3-5 na 1 Akoritiyo 15:3, 4, 7. Mwamala mutapanye vyofuka vyo-arelavi:

1. N’nga voroma abalee Yesu taiwachela a-vi milanywee?

2. Ninosikimizela a-vi ira Yesu kaam-iidhe balee Yakobo?

Vinofunjedhavo i-yo wa Yesu

2. Ninofwanela kala oleva rima namwasa oi atu enango vinowatukulela hora yolapela ira tawachele milanyu yapama.

Vinairenyo vom’sazi-edha Yesu

3. Muwesedhenga ndhila inango. Akala mutu kanorumela mombaranya ira mufunjedhe na liye, kamum’kanyi-edhe. Akala pyoodeya munooda m’moni-a vidiyo venango tapanyana liye myasa dha mabukwi-u vofuna m’kami-a idhiwa munoireela funjedha wa Bibilya na munaganyalele liye.

4. Kamum’fwanafwani-enga na mutu mwinango. Atu mbo-iyana. Akala bali-u venango mutu wam’laleele i-yo hora dhinango unovwalavwali-a ira nirome funjedhana liye thuulelani inom’mwiri-a e-no. N’nga unodhiveliwana sanganiko dhinango dhamarelijiau? N’nga unaanyoziwa naabalee venango afwee? Mum’va-e hora ira athuulele vyongo vim’mwandenle nyoovyo ira aone ekhene upama o-arela makundo a Bibilyani.

5. Mum’lobelelenga. Mum’vepenga Yohova ira aukami-eni kaana dodoliso thitho ira mwa-akaena pwadho. Mum’vepenga ira auva-eni zelu ira muode zindiyela akala ira mutuo kanofuna funjedha ira mu-iye m’mwendela.—1 Ak. 9:26.