YOFUNJEDHA 16
N’nga Yesu airile vyoi a-vi angali vailambo yavathivano?
Atu anjinji tathuulelanga vya Yesu tanothuulela ninga mwana ng’onong’ono angagonathi-iwile modyela vifuwo. Atu enango tanothuulela ninga namaongela wazelu, enango tanothuulela moda wakwide liye. N’nga funjedha vyoonga ingumi ya Yesu angali vailambo yavathi unanikami-e a-vi m’mwidhiwa pama? Mu yofunjedha yei ninotapanya vyongo vinango vyofuneya maningi vyairile Yesu thitho mwemo munaukami-edheleni aliwa.
1. N’nga basa lofuneya maningi lalaba Yesu lali lan’ni?
Basa lofuneya maningi lalaba Yesu lali “laleela milanyu yapama ya Umwene wa Nlungu.” (Muleri Luka 4:43.) Liye anolaleela milanyu yapama yoi Nlungu unodha kaathei-a Umwene, venango ira utongi unofuna dhamali-a nyarwa dhothene dhinogumanana atu vailamboi.a Yesu atolaba basa mwathindhi yowandela atu milanyu yowalimbi-a wu vyawa viraru na meya.—Mateu 9:35.
2. Mwasiwa ngwan’ni Yesu anooira vyodabwi-a?
Bibilya linoonga ira “Nlungu ato-indi-edha basa Yesu volaba mabasa a kopolo, vyodabwi-a thitho vizindiyelo.” (Mayirelo 2:22) Nlungu atomva-a Yesu kopolo, dhotonga lipevo, dyi-a atu mamilau manjinji, ili-a arenda novenyathi-a atu takwide. (Mateu 8:23-27; 14:15-21; Marku 6:56; Luka 7:11-17) Vyodabwi-a vyaira Yesu, nguumboni oi liye arumiwiledi na Nlungu thitho ira Yohova utokaana kopolo dhomali-a nyarwa dhi-u dhothene.
3. N’nga niofunjedhan’ni wa Yesu?
Yesu anoovwela Yohova va yongo iliyothene. (Muleri Juwau 8:29.) Yesu anooira yongo iliyothene yamrumile Babee. Liye anooira vyevi vahora yothene yan’na liye ingumi vailambo yavathi angalive ira atu enango tanofuna m’mwimwanani-a. Vyairile liyevi vinothonyi-edha ira pyoodeya labelanga Nlungu mororomeleya angalive ira ninogumanana vyorucha. Ee-no, Yesu utoni-iyedhela ifwanafwani-o ira ni-arele manyalwee mwapolepole.”—1 Pedru 2:21.
FUNJEDHANI VINJINJI
Sakasakani ira muone vyaira Yesu ira alaleele milanyu yapama thitho mwemo mwairile liye vyodabwi-a.
4. Yesu anoolaleela milanyu yapama
Yesu atowenda maulendo olapa maningi ndhila dha tumbulu, naifunelo yoi amalaleele milanyu yapama waatu anjinji. Muleri Luka 8:1, mwamala mutapanye vyofuka vyo-arelavi:
N’nga Yesu alaleela waatu tagumaneya ira tavuruwane milanyu yalaleela liye baa-i?
N’nga Yesu airan’ni ira afiye uliwethene wafwanyeya atu?
Nlungu atovaelatu onga ira Mesiya unodha laleela milanyu yapama. Muleri Esaya 61:1, 2, mwamala mutapanye vyofuka vyo-arelavi:
N’nga Yesu akwakwaneli-idhe a-vi ulosi wen’na?
N’nga munoona ira malamboano atu tanofuneela uvwa milanyu yapama?
5. Yesu atoofunji-a makundo okami-a
Wenjedhela volaleela milanyu yapama yoonga vya Umwene wa Nlungu, Yesu atoofunji-a makundo okami-a. Dhoweni nitapanyeni vifwanafwani-o vingasi vyothonyi-edha mwemo mwairela Yesu vyevi va ulaliki unango oidhiweya ira ulaliki wavamwangoni. Muleri Mateu 6:14, 34, na 7:12, mwamala mutapanye vyofuka vyo-arelavi:
M’maverswala n’nga mbamalangi-o a-vi apama aongile Yesu?
N’nga munoona ira malangi-o enala anooda nikami-a malamboano?
6. Yesu atoira vyodabwi-a
Yohova atomva-a Yesu kopolo ira aode irana vyodabwi-a vinjinji. Ira muone ifwanafwani-o imbo-i, muleri Marku 5:25-34 venango muonele VIDIYO. Mwamala mutapanye vyofuka vyo-arelavi.
Vidiyonimu, n’nga m’ma abulelula aroromela vyoi a-vi?
Chin’ni inousangalali-ani mwathuulela yodabwi-a yei?
Muleri Juwau 5:36, mwamala mutapanye yofuka yo-arelai:
N’nga vyodabwi-a vyairile Yesu “vyatom’mwirela umboni” oi a-vi?
N’nga mutoidhiwa?
Vyongo vinjinji vyoonga ingumi ya Yesu vinofwanyeya m’mabukhu 4 a Bibilyani oitaniwa milanyu yapama. Mabukwee ndi Mateu, Marku, Luka na Juwau. Uliwethene alembile mabukwala atoonga makundo oonga vya Yesu mundhila dho-iyana-iyana. Ee-no naleringa mabukwala, ninovwechecha pama vyaireile va ingumi ya Yesu.
MATEU
ngwaromile lemba bukhu loroma la milanyu yapama. Bukhuli linoniwandela vyongo vinjinji vyafunji-a Yesu simbwasimbwa vyoonga Umwene wa Nlungu.
MARKU
ngwalembile bukhu ling’ono va mabukhu a milanyu yapama. Bukhuli linoniwandela vyongo vinjinji vyoniiri-a kaana ifunelo.
LUKA
atoonga ira Yesu anoona ira lobelo lali lofuneya maningi thitho anoira vyongo mwatangaranga na a-iyana.
JUWAU
ngwaongile makalelo manjinji a Yesu. Ninoonga e-no namwasa oi atolemba vyongo vinjinji vyatapanya Yesu naafwee avarimani thitho naatu enango.
ATU ENANGO ANOONGA IRA: “Yesu ali mutu wapama baa-i.”
N’nga nyo munothuulela a-vi?
MAKUNDO OGWANDELA
Yesu anoolaleela vyoonga Umwene wa Nlungu, anooira vyodabwi-a thitho anoovwela Yohova muvyongo vyothene.
Vyofuka vyowelela
N’nga ndi basa livi lofuneya maningi lalaba Yesu angali vailambo yavathi?
N’nga vyodabwi-a vyaira Yesu vyathonyi-edhan’ni?
N’nga ndi makundo avi okami-a afunji-idhe Yesu?
IDHIWANI VINJINJI
N’nga mwasa wadhiveliwechana Yesu tapanya naatu wali oongan’ni?
“Yesu Amaona Kuti Ufumu wa Mulungu—Ndi Wofunika Kwambiri” (Nsanja ya Olonda, 1 wa Outubro wa 2014)
Sakasakani ira muone mwasee kaninokaikela ira Yesu atoiradi vyodabwi-a.
“Kodi pa Zozizwitsa za Yesu Mungaphunzirepo Chiyani?” (Nsanja ya Olonda, 15 wa Julho wa 2004)
Muleri mwasula ira muone mwemo lombwana mwinango an’na kalelo lodhidhiveliwana mwachinjile liye vosazi-edha ifwanafwani-o ya Yesu.
“Ndinali Munthu Wodzikonda Kwambiri” (Nsanja ya Olonda, 1 wa Outubro wa 2014)
Muone vyoireya vilukulu vilukulu vyoonga urumiwi wa Yesu movwelana na hora muireele aliwa.
a Mwasa oonga Umwene wa Nlungu unodha ongiwa pama mu yofunjedha 31 fiyedha 33.