• Nzembo 57:maloba ya ebandeli ya loyembo-11
    Biblia Libongoli ya Mokili ya Sika

    • Epai ya mokambi ya nzembo. “Kobebisa te.” Ya Davidi. Mikitame. Ntango akimaki Saulo, akɔti na mobenga.+

      57 Ee Nzambe, moniselá ngai boboto, moniselá ngai boboto,+

      Mpo molimo na ngai ekimi epai na yo;+

      Mpe nazali kokima na elili ya mapapu na yo kino mikakatano ekoleka.+

       2 Nazali kobenga Nzambe Oyo-Aleki-Likoló, Nzambe ya solo oyo azali kosukisela ngai mikakatano.+

       3 Akotinda lisalisi uta na likoló mpe akobikisa ngai.+

      Akobulunganisa mpenza moto oyo azali koswa ngai.+ Sela.

      Nzambe akotinda motema boboto na ye mpe bosolo na ye.+

       4 Molimo na ngai ezali na katikati ya bankɔsi;+

      Nazali na likambo mosusu ya kosala te kaka kolala na kati ya bato oyo badundaka, ɛɛ bana ya bato,

      Baoyo mino na bango ezali makɔnga mpe makula,+

      Mpe baoyo lolemo na bango ezali mopanga oyo epeli.+

       5 Ee okumisama kuna na likoló, Ee Nzambe;+

      Nkembo na yo ezala likoló ya mabele mobimba.+

       6 Babongiseli makolo na ngai monyama;+

      Molimo na ngai egumbami.+

      Batimolaki liboso na ngai libulu ya motambo;

      Bakwei na kati.+ Sela.

       7 Ee Nzambe, motema na ngai ezali kotengatenga te,+

      Motema na ngai ezali kotengatenga te.

      Nakoyemba mpe nakobɛta mondule.+

       8 Ee nkembo na ngai,+ lamuká;

      Ee ebɛtɛlo ya nsinga, lamuká; Ee nzɛnzɛ, ná yo mpe.+

      Nakolamwisa kotana ya ntɔngɔ.

       9 Ee Yehova, nakokumisa yo na kati ya bato ya bikólo;+

      Nakobɛtɛla yo mondule na kati ya bituluku ya bato ya bikólo.+

      10 Mpo motema boboto na yo ezali monene kino na likoló,+

      Mpe bosolo na yo kino na mapata.+

      11 Ee Nzambe, okumisama kuna na likoló;+

      Nkembo na yo ezala likoló ya mabele mobimba.

  • Nzembo 142:maloba ya ebandeli ya loyembo-7
    Biblia Libongoli ya Mokili ya Sika

    • Maskile. Ya Davidi, ntango azalaki na mobenga.+ Libondeli.

      142 Na mongongo na ngai, nabelelaki Yehova mpo na kosɛnga lisalisi;+

      Na mongongo na ngai, nabandaki kobelela Yehova mpo amonisela ngai boboto.+

       2 Nazalaki kosopa motungisi na ngai liboso na ye;+

      Nakobaki koyebisa ye mpasi na ngai,+

       3 Ntango elimo+ na ngai elɛmbaki makasi na kati na ngai.

      Bongo yo moko oyebaki nzela na ngai.+

      Na nzela oyo nazali kotambola+

      Babombeli ngai motambo.+

       4 Talá na lobɔkɔ ya mobali mpe moná

      Ete moto moko te azali kondima ete ayebi ngai lisusu.+

      Esika na ngai ya kokima elimwe liboso na ngai;+

      Moto moko te azali kotuna makambo ya molimo na ngai.+

       5 Ee Yehova, nabelelaki yo mpo na kosɛnga lisalisi.+

      Nalobaki ete: “Ozali ekimelo na ngai,+

      Likabo+ na ngai na mokili ya bato ya bomoi.”+

       6 Tyá likebi na kosɛngasɛnga na ngai ya kolela,+

      Mpo nakómi mobola mpenza.+

      Bikisá ngai na banyokoli na ngai,+

      Mpo bazali makasi mingi koleka ngai.+

       7 Bimisá molimo na ngai na kasho+

      Mpo nakumisa nkombo na yo.+

      Bayengebene báyangana zingazinga na ngai,+

      Mpo ozali kosalela ngai makambo na ndenge oyo ebongi.+