Watchtower MIKANDA OYO EZALI NA INTERNET

Nzembo 6:maloba ya ebandeli ya loyembo-10

Biblia Libongoli ya Mokili ya Sika
- Epai ya mokambi ya nzembo na bibɛtɛlo ya bansinga na mongongo ya nse.+ Mondule ya Davidi.
  
  6 Ee Yehova, kopamela ngai na nkanda na yo te,+
  Mpe kosembola ngai na nkɛlɛ na yo te.+
  
  2 Moniselá ngai boboto, Ee Yehova, mpo nazali kobeba.+
  Bikisá ngai,+ Ee Yehova, mpo mikuwa na ngai ebulungani.
  
  3 Ɛɛ, molimo na ngai ebulungani mingi mpenza;+
  Mpe yo, Ee Yehova—kino ntango nini?+
  
  4 Zongá,+ Ee Yehova, bikisá molimo na ngai;+
  Bikisá ngai mpo na motema boboto na yo.+
  
  5 Mpo na kati ya liwa batángaka nkombo na yo te;+
  Na kati ya Nkunda* nani akokumisa yo?+
  
  6 Nalɛmbi na kokimela na ngai;+
  Butu nyonso nazali kopɔlisa mbeto na ngai na mpisoli;+
  Nazali kotondisa esika na ngai ya kolala na mpisoli na ngai.+
  
  7 Liso na ngai elɛmbi na mpasi,+
  Enuni mpo na baoyo nyonso bazali banguna na ngai.+
  
  8 Bólongwa liboso na ngai, bino nyonso baoyo bosalaka makambo oyo eyokisaka mpasi,+
  Mpo Yehova akoyoka mpenza mongongo ya kolela na ngai.+
  
  9 Yehova akoyoka mpenza lilɔmbɔ na ngai mpo na koluka kondimama;+
  Yehova ye moko akondima libondeli na ngai.+
  
  10 Banguna na ngai nyonso bakoyoka nsɔni mingi mpenza+ mpe bakobulungana;
  Bakozonga nsima, bakoyoka nsɔni na mbala moko.+