Watchtower MIKANDA OYO EZALI NA INTERNET

Yobo 3:20

Biblia Libongoli ya Mokili ya Sika
- 20 Mpo na nini apesaka pole na moto oyo azali komona mpasi,
  Mpe bomoi na baoyo molimo na bango ekómi bololo?+

Yobo 33:30

Biblia Libongoli ya Mokili ya Sika
- 30 Mpo na kozongisa molimo na ye ekende na libulu te,+
  Mpo angɛngisama na pole ya bato oyo bazali na bomoi.+

Nzembo 116:9

Biblia Libongoli ya Mokili ya Sika
- 9 Nakotambola+ liboso ya Yehova na mikili ya baoyo bazali na bomoi.+

Nzembo 57:maloba ya ebandeli ya loyembo-11

Biblia Libongoli ya Mokili ya Sika
- Epai ya mokambi ya nzembo. “Kobebisa te.” Ya Davidi. Mikitame. Ntango akimaki Saulo, akɔti na mobenga.+
  
  57 Ee Nzambe, moniselá ngai boboto, moniselá ngai boboto,+
  Mpo molimo na ngai ekimi epai na yo;+
  Mpe nazali kokima na elili ya mapapu na yo kino mikakatano ekoleka.+
  
  2 Nazali kobenga Nzambe Oyo-Aleki-Likoló, Nzambe ya solo oyo azali kosukisela ngai mikakatano.+
  
  3 Akotinda lisalisi uta na likoló mpe akobikisa ngai.+
  Akobulunganisa mpenza moto oyo azali koswa ngai.+ Sela.
  Nzambe akotinda motema boboto na ye mpe bosolo na ye.+
  
  4 Molimo na ngai ezali na katikati ya bankɔsi;+
  Nazali na likambo mosusu ya kosala te kaka kolala na kati ya bato oyo badundaka, ɛɛ bana ya bato,
  Baoyo mino na bango ezali makɔnga mpe makula,+
  Mpe baoyo lolemo na bango ezali mopanga oyo epeli.+
  
  5 Ee okumisama kuna na likoló, Ee Nzambe;+
  Nkembo na yo ezala likoló ya mabele mobimba.+
  
  6 Babongiseli makolo na ngai monyama;+
  Molimo na ngai egumbami.+
  Batimolaki liboso na ngai libulu ya motambo;
  Bakwei na kati.+ Sela.
  
  7 Ee Nzambe, motema na ngai ezali kotengatenga te,+
  Motema na ngai ezali kotengatenga te.
  Nakoyemba mpe nakobɛta mondule.+
  
  8 Ee nkembo na ngai,+ lamuká;
  Ee ebɛtɛlo ya nsinga, lamuká; Ee nzɛnzɛ, ná yo mpe.+
  Nakolamwisa kotana ya ntɔngɔ.
  
  9 Ee Yehova, nakokumisa yo na kati ya bato ya bikólo;+
  Nakobɛtɛla yo mondule na kati ya bituluku ya bato ya bikólo.+
  
  10 Mpo motema boboto na yo ezali monene kino na likoló,+
  Mpe bosolo na yo kino na mapata.+
  
  11 Ee Nzambe, okumisama kuna na likoló;+
  Nkembo na yo ezala likoló ya mabele mobimba.