22 Na yango, Yehova abikisaki Hizikiya mpe bato oyo bafandi na Yerusaleme na lobɔkɔ ya Senakeribe mokonzi ya Asiri+ mpe na lobɔkɔ ya bamosusu nyonso mpe apesaki bango kopema epai na epai.+

32 Moi ezali naino na Nobe+ mpo na kotɛlɛma mwa moke. Azali koningisa lobɔkɔ na ye mpo na kobangisa ngomba ya mwana mwasi ya Siona, ngomba moke ya Yerusaleme.+

20 Talá Siona,+ sité ya bileko na biso ya fɛti!+ Miso na yo ekomona Yerusaleme, esika ya kofanda oyo ezangi mitungisi, hema oyo moto moko te akolongola.+ Pike ya hema na yango ekopikolama te, mpe nsinga na yango ata moko te ekokatama.+