2 Mpe ekosalema mpenza boye: soki balobi na yo ete ‘Tokobima mpo na kokende wapi?’ bongo osengeli koloba na bango boye: ‘Talá oyo Yehova alobi: “Moto nyonso oyo azali mpo na bolɔzi oyo ya liwa, na bolɔzi oyo ya liwa! Mpe moto nyonso oyo azali mpo na mopanga, na mopanga! Mpe moto nyonso oyo azali mpo na nzala, na nzala!+ Moto nyonso oyo azali mpo na bokangami, na bokangami!”’+

9 Moto oyo akotikala kaka na engumba oyo akokufa na mopanga mpe na nzala mpe na maladi mabe;+ kasi moto oyo akobima mpe akoleka epai ya Bakaladea oyo bazingi bino, akotikala na bomoi, mpe molimo na ye ekokóma nde eloko na ye ya kopunza.”’+