Loyembo ya Salomo

7 “Makolo na yo ezali kitoko mingi na kati ya basandale na yo,

Ee mwana mwasi ya lokumu!

Ndenge oyo bibɛlɔ na yo egumbamá ezali lokola babiju,

Mosala ya moto oyo ayebi mosala ya mabɔkɔ.

Libumu na yo ezali mopiko ya blé,

Oyo ezingami na bafololo lísi.

 3 Mabɛlɛ na yo mibale ezali lokola bana mibale ya nyama babengi bishe,

Mapasa ya mboloko.+

Miso na yo+ ezali lokola maziba na Heshibone,+

Pene na porte ya Bate-rabime.

Zolo na yo ezali lokola linɔ́ngi ya Liban,

Oyo etali na ngámbo ya Damasi.

 5 Motó na yo ezali kitoko lokola ngomba Karamele,+

Mpe nsuki na yo oyo elíngamalíngamá+ ezali lokola lɛnɛ ya mwa motane-bulé.+

 6 Ozali mpenza kitoko mpe ozali kosepelisa,

Ee mwana mwasi oyo nalingá koleka biloko nyonso oyo esepelisaka!

 7 Ozali molai lokola nzete ya mbila,

Mpe mabɛlɛ na yo ezali lokola etuka ya mbila ya date.*+

 8 Nalobaki: ‘Nakomata na nzete ya mbila

Mpo nasimba bituka ya mbuma na yango.’

Mabɛlɛ na yo ezala lokola bituka ya mbuma ya vinyo,

Zolo na yo ebimisa mopɛpɛ kitoko lokola nsolo ya bapɔme,

 9 Mpe monɔkɔ* na yo ezala lokola vinyo ya kitoko koleka.”

“Eleka swaa na mongongo ya bolingo na ngai,

Ekita malɛmbɛmalɛmbɛ na mbɛbu ya bato oyo balali mpɔngi.

10 Nazali ya bolingo na ngai,+

Mpe ngai nde alingi.

11 Yaká, Ee bolingo na ngai,

Yaká tókende na bilanga;

Tófanda na banzete ya hena.+

12 Tólamuka ntɔngɔntɔngɔ mpe tókende na bilanga ya vinyo

Tótala soki vinyo ebimisi nkasa,

Soki fololo efungwami,+

Soki banzete ya grenade ebimisi fololo.+

13 Bamandragɔre+ ezali kopanza nsolo na yango ya kitoko;

Bambuma kitoko ya ndenge nyonso ezali na baporte na biso.+

Ezala ya sika to ya kala,

Nabombeli yo yango, Ee bolingo na ngai.