Ezekiele
28 Yehova alobaki na ngai lisusu ete: 2 “Mwana ya moto, lobá na mokambi ya Tire boye: ‘Talá oyo Yehova Nkolo Mokonzi-Oyo-Aleki-Nyonso alobi:
“Lokola motema na yo ekómi na lolendo+ mpe ozali kaka koloba: ‘Nazali nzambe.
Nafandi na kiti ya bokonzi ya nzambe, na katikati mpenza ya mbu.’+
Kasi ozali kaka moto, nzambe te,
Atako na motema na yo ozali kokanisa ete ozali nzambe.
3 Talá! Ozali moto ya bwanya koleka Danyele.+
Sekele moko te ebombani epai na yo.
4 Okómi na bomɛngo mpo na bwanya mpe bososoli na yo,
Mpe ozali kokoba kobomba wolo ná palata na kati ya bandako na yo ya kobomba biloko.+
5 Ozwi bomɛngo mingi mpo na mayele na yo ya mombongo,+
Mpe motema na yo ekómi na lolendo mingi mpo na bomɛngo na yo.”’
6 “‘Na yango, talá oyo Yehova Nkolo Mokonzi-Oyo-Aleki-Nyonso alobi:
“Lokola na motema na yo ozali kokanisa ete ozali nzambe,
7 Nakomemela yo bapaya mpo na kobundisa yo, banyokoli ya bikólo,+
Bakobenda mipanga na bango mpo na kobebisa biloko nyonso ya kitoko oyo ozwi na bwanya na yo
Mpe bakokómisa nkembo na yo mbindo.+
9 Okokoba kaka koloba epai ya moto oyo azali koboma yo ete: ‘Nazali nzambe?’
Okozala kaka moto, kasi nzambe te, na mabɔkɔ ya baoyo bazali kokómisa yo mbindo.”’
10 ‘Na lobɔkɔ ya bapaya okokufa liwa ya bato oyo bakatami ngenga te,
Mpo ngai moko nde nalobi,’ Yehova Nkolo Mokonzi-Oyo-Aleki-Nyonso alobi bongo.”
11 Mpe Yehova alobaki na ngai lisusu ete: 12 “Mwana ya moto, yembá loyembo ya mawa* mpo na mokonzi ya Tire, mpe lobá na ye boye: ‘Talá oyo Yehova Nkolo Mokonzi-Oyo-Aleki-Nyonso alobi:
13 Ozalaki na Edene, elanga ya Nzambe.
Olataki mabanga nyonso ya ntalo:
Rubi, topazi ná jasipe; krizolite, onikisi ná jade; safire, tirikwaze+ ná emerode;
Mpe mpɛtɛ na yango ná madusu na yango esalemaki na wolo.
Ebongisamaki na mokolo oyo ozalisamaki.
14 Natyaki yo lokola keruba oyo atyami mafuta, oyo abatelaka.
Ozalaki na ngomba mosantu ya Nzambe,+ ozalaki kotambola na katikati ya mabanga ya mɔtɔ.
15 Ozalaki na mbeba te na etamboli na yo banda mokolo oyo ozalisamaki
Tii kozanga bosembo emonanaki epai na yo.+
Lokola okómi mbindo, nakobengana yo na ngomba ya Nzambe mpe nakoboma yo,+
Mosika na mabanga ya mɔtɔ, Ee keruba oyo abatelaka.
17 Motema na yo ekómaki na lolendo mpo na kitoko na yo.+
Obebisaki bwanya na yo mpo na nkembo na yo oyo ezali kongɛnga.+
Nakobwaka yo na mabele.+
Nakotya yo liboso ya bakonzi mpo bátala likambo oyo ekómeli yo.
18 Mpo na monene ya ngambo na yo mpe kozanga bosembo ya mombongo na yo, okómisi bisika mosantu na yo eloko mpamba.
Nakopelisa mɔtɔ na kati na yo mpe ekolya yo.+
Nakokómisa yo putulu ya mɔtɔ likoló ya mabele, liboso ya baoyo nyonso bazali kotala yo.
19 Baoyo nyonso bayebi yo na kati ya bato ya bikólo, bakotala yo na kokamwa.+
Nsuka na yo ekozala nsɔmɔ mpe na pwasa,
Mpe okozala lisusu te mpo na libela.”’”+
20 Mpe Yehova alobaki na ngai lisusu ete: 21 “Mwana ya moto, balusá elongi na yo epai ya Sidone,+ mpe sakolá mpasi oyo ekokómela ye. 22 Osengeli koloba boye: ‘Talá oyo Yehova Nkolo Mokonzi-Oyo-Aleki-Nyonso alobi:
“Ngai oyo nazali kobundisa yo, Ee Sidone, mpe nakokumisama na kati na yo;
Bato bakoyeba mpenza ete nazali Yehova ntango nakopesa ye bitumbu mpe nakosantisama na kati na ye.
23 Nakotinda maladi mabe na kati na ye mpe makila ekosopana na babalabala na ye.
Bato bakobomama na kati na ye ntango mopanga ekobundisa ye bipai nyonso;
Mpe bakoyeba mpenza ete nazali Yehova.+
24 “‘“Bongo bato ya Yisraele bakozingama lisusu te na nsende oyo ezokisaka to nzubɛ ya mpasi+ na baoyo bazali kotyola bango; mpe bato bakoyeba mpenza ete nazali Yehova Nkolo Mokonzi-Oyo-Aleki-Nyonso.”’
25 “‘Talá oyo Yehova Nkolo Mokonzi-Oyo-Aleki-Nyonso alobi: “Ntango nakoyanganisa bato ya Yisraele uta na bato ya bikólo epai bapalanganisamaki,+ nakosantisama na kati na bango na miso ya bikólo.+ Mpe bakofanda na mokili na bango+ oyo napesaki mosaleli na ngai, Yakobo.+ 26 Bakofanda wana na kimya,+ bakotonga bandako, bakolona bilanga ya vinyo,+ mpe bakofanda wana na kimya ntango nakopesa etumbu na baoyo nyonso bazali zingazinga na bango, baoyo bazali kotyola bango;+ mpe bakoyeba mpenza ete nazali Yehova Nzambe na bango.”’”