Mitángo
23 Bongo Balaama alobaki na Balake ete: “Tongá na esika oyo bitumbelo nsambo,+ mpe bongiselá ngai ngɔmbɛ-mibali nsambo mpe mpate-mibali nsambo.” 2 Na mbala moko, Balake asalaki kaka ndenge Balaama alobaki. Mpe Balake ná Balaama bapesaki na etumbelo mokomoko ngɔmbɛ-mobali moko mpe mpate-mobali moko.+ 3 Balaama alobaki lisusu na Balake ete: “Tɛlɛmá pembeni ya likabo na yo ya kotumba, mpe nakokende. Mbala mosusu Yehova akobimela ngai mpe akokutana na ngai. Nyonso oyo akomonisa ngai, nakoyebisa yo.” Bongo akendaki na ngomba moko ya moke oyo ezali polele.
4 Na nsima, Nzambe abimelaki Balaama,+ mpe Balaama alobaki na ye ete: “Natɛlɛmisi bitumbelo nsambo na milɔngɔ, mpe napesi na etumbelo mokomoko ngɔmbɛ-mobali moko mpe mpate-mobali moko.” 5 Yehova atyaki liloba oyo na monɔkɔ ya Balaama:+ “Zongá epai ya Balake, mpe yango nde okoloba na ye.” 6 Bongo azongaki mpe amonaki Balake ná bankumu nyonso ya Moabe batɛlɛmi pembeni ya likabo na ye ya kotumba. 7 Bongo alobaki liloba oyo ya lisese ete:+
“Balake mokonzi ya Moabe azwaki ngai banda na Arame,+
Longwa na bangomba ya ɛsti. Alobi:
‘Yaká, lakelá ngai Yakobo mabe.
Ɛɛ, yaká, osambwisa Yisraele.’+
8 Ndenge nini nalakela mabe baoyo Nzambe alakeli mabe te?
Mpe ndenge nini nasambwisa baoyo Yehova asambwisi te?+
9 Longwa na nsɔngɛ ya mabanga, nazali komona bango,
Mpe longwa na bangomba mike, nazali komona bango.
Tiká ngai nakufa* liwa ya bato ya sembo,
Mpe tiká nsuka na ngai ezala lokola ya bango.”
11 Bongo, Balake alobaki na Balaama ete: “Likambo nini osali ngai? Nazwaki yo mpo olakela banguna na ngai mabe, kasi talá, na esika osala yango, yo opamboli nde bango.”+ 12 Ayanolaki ete: “Nasengeli te koloba oyo Yehova atye na monɔkɔ na ngai?”+
13 Balake alobaki na ye ete: “Nabondeli yo, yaká elongo na ngai na esika mosusu oyo okoki komona bango. Okomona kaka ndambo na bango; okomona bango nyonso te. Lakelá ngai bango mabe na esika yango.”+ 14 Bongo amemaki ye na elanga ya Zofime, na nsɔngɛ ya Pisga,+ mpe atongaki bitumbelo nsambo mpe apesaki na etumbelo mokomoko ngɔmbɛ-mobali moko mpe mpate-mobali moko.+ 15 Mpe Balaama alobaki na Balake ete: “Tɛlɛmá awa pembeni ya likabo na yo ya kotumba, wana ngai nakei kokutana na Nzambe kuna.” 16 Mpe Yehova abimelaki Balaama mpe atyaki liloba oyo na monɔkɔ na ye:+ “Zongá epai ya Balake, mpe yango nde okoloba na ye.” 17 Bongo ayaki epai na ye, mpe amonaki ete ye azalaki kozela pembeni ya likabo na ye ya kotumba, mpe bankumu ya Moabe bazalaki elongo na ye. Balake atunaki ye ete: “Yehova alobi nini?” 18 Na yango, alobaki lisese oyo ete:+
“Tɛlɛmá, Balake, mpe yoká.
Yoká ngai, Ee Mwana ya Zipore.
Ntango ayebisi likambo, akosala yango te?
Ntango alobi likambo, akokokisa yango te?+
21 Apesaka nzela na nguya ata moko te ya maji esala Yakobo mabe,
Mpe atikaka te ete likambo ata moko ya mabe ekwela Yisraele.
Yehova Nzambe na bango azali elongo na bango,+
Mpe akumisami mpenza lokola mokonzi na kati na bango.
22 Nzambe azali kobimisa bango na Ezipito.+
Azali mpo na bango lokola maseke ya ngɔmbɛ-mobali ya zamba.+
23 Mpo bilembo ya makambo oyo ekoya mpo na kolɔka Yakobo ezali te,+
Ezali mpe na mosala moko te ya kosakola makambo oyo ebombaná oyo ekoki kosala Yisraele mabe.+
Na ntango oyo, ekoki kolobama mpo na Yakobo mpe Yisraele ete:
‘Talá likambo oyo Nzambe asali!’
Ekolala te liboso elya nyama oyo yango ekangi,
Mpe emɛla makila ya babomami.”
25 Na yango, Balake alobaki na Balaama ete: “Soki okoki ata moke te kolakela ye mabe, osengeli mpe kopambola ye ata moke te.” 26 Balaama ayanolaki Balake ete: “Nalobaki na yo te ete, ‘Nakosala nyonso oyo Yehova akoloba’?”+
27 Balake alobaki na Balaama ete: “Nabondeli yo, yaká mpe tiká namema yo lisusu na esika mosusu. Mbala mosusu ekozala malamu na miso ya Nzambe ya solo ete olakela bango mabe mpo na ngai na esika yango.”+ 28 Na yango, Balake amemaki Balaama na nsɔngɛ ya Peore, oyo ezali kotala na ngámbo ya Yeshimone.*+ 29 Bongo Balaama alobaki na Balake ete: “Tongá na esika oyo bitumbelo nsambo, mpe bongiselá ngai ngɔmbɛ-mibali nsambo mpe mpate-mibali nsambo.”+ 30 Bongo Balake asalaki kaka ndenge Balaama alobaki, mpe apesaki na etumbelo mokomoko ngɔmbɛ-mobali moko mpe mpate-mobali moko.