Loyembo ya ntango ya komata.
126 Ntango Yehova azongisaki bato ya Siona oyo bakangamaki,+
Tokanisaki lokola nde tozali kolɔta.
2 Na ntango yango tosɛkaki makasi,
Mpe lolemo na biso egangaki na esengo.+
Na ntango yango bato ya bikólo balobanaki bango na bango ete:
“Yehova asali makambo ya minene mpo na bango.”+
3 Yehova asali makambo ya minene mpo na biso.+
Mpe tozali na esengo mingi mpenza.
4 Ee Yehova, zongisá bato na biso oyo bakangamaki,
Lokola mikɛli ya mai na Negebe.
5 Baoyo bazali kolona mboto na mai ya miso
Bakobuka na koganga ya esengo.
6 Ye oyo abimi, ata na kolela,
Amemi saki oyo etondi na mboto,
Akozonga mpenza na koganga ya esengo,+
Amemi maboke ya matiti ya mbuma ya blé.+