Nzembo

Bópesa Yehova matɔndi, mpo azali malamu;+

Bolingo na ye ya sembo ezali seko na seko.+

 2 Nani akoki kolobela misala nyonso ya nguya ya Yehova,

To kosakola misala na ye nyonso oyo ebongi kosanzolama?+

 3 Esengo na baoyo bazali kosala makambo na bosembo,

Baoyo basalaka ntango nyonso makambo na boyengebene.+

Batelá ngai na misala na yo ya kobikisa,

 5 Mpo nasepela na bolamu oyo omoniselaka bato oyo oponá,+

Mpo nasepela elongo na ekólo na yo,

Mpo nasanzola yo na komikumisa nyonso elongo na libula na yo.

 6 Tosali masumu kaka ndenge bankɔkɔ na biso basalaki;+

Tosali libunga; tosali mabe.+

Bakangaki ntina te ya bonene ya bolingo na yo ya sembo,

Kasi batombokaki na mbu, pene na Mbu Motane.+

 8 Kasi Nzambe abikisaki bango mpo nkombo na ye ekumisama,+

Mpo na koyebisa nguya na ye.+

 9 Apamelaki Mbu Motane, mpe ekaukaki;

Atambwisaki bango na mai mozindo lokola na mokili ekauká;*+

10 Abikisaki bango na lobɔkɔ ya monguna+

Mpe asikolaki bango na lobɔkɔ ya monguna.+

11 Mai ezipaki banguna na bango;

Moko te kati na bango abikaki.*+

12 Bongo bandimelaki elaka na ye;+

Babandaki kosanzola ye na loyembo.+

13 Kasi babosanaki nokinoki misala na ye;+

Bazelaki litambwisi na ye te.

14 Bakómaki na bamposa ya lokoso na esobe;+

Bamekaki Nzambe na mokili ekauká.+

15 Apesaki bango oyo basɛngaki,

Kasi asalaki ete bábɛla maladi ya makasi oyo elɛmbisaki bango mpe ebomaki bango.+

16 Na kaa bayokelaki Moize zuwa

Ata Arona,+ mosantu ya Yehova.+

17 Mabele efungwamaki mpe emɛlaki Datane

Mpe ezipaki baoyo basanganaki na Abirame.+

18 Mɔtɔ epelaki na kati ya etuluku na bango;

Lolemo ya mɔtɔ ezikisaki bato mabe.+

19 Basalaki mwana-ngɔmbɛ na Horebe

Mpe bagumbamelaki ekeko ya ebende;*+

20 Babandaki kosambela elilingi ya ngɔmbɛ oyo elyaka matiti

Na esika ya kopesa ngai nkembo oyo ebongi na ngai.+

21 Babosanaki Nzambe,+ Mobikisi na bango,

Moto oyo asalaki makambo ya minene na Ezipito,+

22 Misala ya kokamwa na mokili ya Kame,+

Makambo ya nsɔmɔ na Mbu Motane.+

23 Etikalaki moke apesa etinda ya kosilisa bango nyɛɛ,

Kasi Moize, moto oyo ye aponá, abondelaki ye*

Mpo na kopekisa nkanda na ye mpe aboma bango te.+

24 Bongo batyolaki mokili ya kitoko;+

Bandimelaki elaka na ye te.+

25 Bazalaki kaka koimaima na bahema na bango;+

Bayokaki mongongo ya Yehova te.+

26 Bongo atombolaki lobɔkɔ na ye mpo na kolapela bango ndai

Ete akokweisa bango na esobe;+

27 Akosala ete bana na bango bákwea na kati ya bikólo,

Mpe akopalanganisa bango na mikili.+

28 Mpe babandaki kosambela* Baala ya Peore+

Mpe balyaki bambeka oyo bapesaki na bakufi.*

29 Batumolaki Ye na misala na bango,+

Mpe mpasi moko ebimaki na kati na bango.+

30 Kasi ntango Finehase atɛlɛmaki mpe akɔtaki likambo yango,

Mpasi yango esukaki.+

31 Mpe atángamaki moto ya sembo*

Libota na libota mpo na libela.+

32 Batumolaki Ye na mai ya Meriba,*

Bongo makambo ebebelaki Moize mpo na bango.+

33 Basilikisaki elimo na ye,

Mpe alobaki maloba oyo akanaki te na mbɛbu na ye.+

34 Basilisaki mpenza te bato ya bikólo,+

Ndenge Yehova apesaki bango mitindo.+

35 Kasi basanganaki na bato ya bikólo+

Mpe balandaki* banzela na bango.+

36 Bazalaki kaka kosalela bikeko na bango,+

Mpe yango ekómaki motambo mpo na bango.+

37 Bazalaki kokaba bana na bango ya mibali

Mpe ya basi mbeka epai ya bademo.+

38 Bazalaki kaka kosopa makila ya bato oyo bazali na likambo te,+

Makila ya bana na bango ya mibali mpe ya basi

Oyo bazalaki kopesa bikeko ya Kanana mbeka;+

Mpe mokili ekómaki mbindo mpo basopaki makila.

39 Bakómaki mbindo mpo na misala na bango;

Basalaki bondumba ya elimo na misala na bango.+

40 Bongo nkanda ya Yehova epelelaki bato na ye,

Mpe akómaki koyina libula na ye.

41 Mbala na mbala apesaki bango na lobɔkɔ ya bikólo,+

Mpo baoyo bayinaki bango báyangela bango.+

42 Banguna na bango banyokolaki bango,

Mpe batyamaki na nse ya nguya* na bango.

43 Mbala mingi azalaki kobikisa bango,+

Kasi bazalaki kotomboka mpe kozanga botosi,+

Mpe bazalaki kokitisama mpo na libunga na bango.+

44 Kasi azalaki komona mpasi na bango+

Mpe ayokaki koganga na bango mpo na kosɛnga lisalisi.+

45 Mpo na bango, azalaki kokanisa kondimana na ye,

Mpe bolingo ya sembo na ye monene ezalaki kotinda ye ayoka mawa.+

46 Asalaki ete baoyo bazalaki kozwa bango baombo,

Báyokela bango mawa.+

47 Bikisá biso, Ee Yehova Nzambe na biso,+

Mpe yanganisá biso uta na bikólo+

Mpo tókumisa nkombo na yo mosantu

Mpe tósanzola yo na esengo.*+

48 Yehova Nzambe ya Yisraele asanzolama

Libela na libela.*+