Nzembo

136 Bópesa Yehova matɔndi, mpo azali malamu;+

Bolingo na ye ya sembo ezali seko na seko.+

 2 Bópesa Nzambe ya banzambe matɔndi,+

Mpo bolingo na ye ya sembo ezali seko na seko.

 3 Bópesa Nkolo ya bankolo matɔndi,

Mpo bolingo na ye ya sembo ezali seko na seko.

 4 Ye moko nde asalaka makambo minene ya kokamwa,+

Mpo bolingo na ye ya sembo ezali seko na seko.+

 5 Ye asalaki likoló na mayele mpenza,+

Mpo bolingo na ye ya sembo ezali seko na seko.

 6 Atandaki mabele likoló ya mai,+

Mpo bolingo na ye ya sembo ezali seko na seko.

 7 Asalaki bingɛngiseli minene,+

Mpo bolingo na ye ya sembo ezali seko na seko,

 8 Moi mpo eyangela na moi,+

Mpo bolingo na ye ya sembo ezali seko na seko,

 9 Sanza mpe minzoto mpo engɛnga na butu,+

Mpo bolingo na ye ya sembo ezali seko na seko.

10 Abɛtaki bana ya liboso ya Ezipito,+

Mpo bolingo na ye ya sembo ezali seko na seko.

11 Abimisaki Yisraele kati na bango,+

Mpo bolingo na ye ya sembo ezali seko na seko,

12 Na nguya ya lobɔkɔ na ye+ mpe lobɔkɔ oyo esembolami,

Mpo bolingo na ye ya sembo ezali seko na seko.

13 Akabolaki Mbu Motane na biteni mibale,*+

Mpo bolingo na ye ya sembo ezali seko na seko.

14 Alekisaki Yisraele na katikati na yango,+

Mpo bolingo na ye ya sembo ezali seko na seko.

15 Abwakaki Farao mpe limpinga ya basoda na ye na Mbu Motane,+

Mpo bolingo na ye ya sembo ezali seko na seko.

16 Atambwisaki bato na ye na esobe,+

Mpo bolingo na ye ya sembo ezali seko na seko.

17 Abomaki bakonzi minene,+

Mpo bolingo na ye ya sembo ezali seko na seko.

18 Abomaki bakonzi ya nguya,

Mpo bolingo na ye ya sembo ezali seko na seko,

19 Sihone+ mokonzi ya Baamore,

Mpo bolingo na ye ya sembo ezali seko na seko,

20 Mpe Oge+ mokonzi ya Bashane,

Mpo bolingo na ye ya sembo ezali seko na seko.

21 Apesaki mokili na bango lokola libula,+

Mpo bolingo na ye ya sembo ezali seko na seko,

22 Libula epai ya Yisraele mosaleli na ye,

Mpo bolingo na ye ya sembo ezali seko na seko.

23 Akanisaki biso lisusu ntango tonyokwamaki na makanisi,+

Mpo bolingo na ye ya sembo ezali seko na seko.+

24 Akobaki kobikisa biso na mabɔkɔ ya banguna na biso,+

Mpo bolingo na ye ya sembo ezali seko na seko.

25 Apesaka ekelamu nyonso ya bomoi* bilei,+

Mpo bolingo na ye ya sembo ezali seko na seko.

26 Bópesa Nzambe ya likoló matɔndi,

Mpo bolingo na ye ya sembo ezali seko na seko.