Nzembo

114 Ntango Yisraele ebimaki na Ezipito,+

Ntango bana ya Yakobo bautaki epai ya bato oyo bazalaki koloba monɔkɔ moko ya bapaya,

 2 Yuda ekómaki esika na ye mosantu,

Yisraele bokonzi na ye.+

 3 Mbu emonaki yango mpe ekimaki;+

Yordani ezongaki nsima.+

 4 Bangomba epumbwaki lokola bampate-mibali,+

Bangomba mike lokola bana-mpate.

 6 Ee bangomba, mpo na nini bopumbwaki lokola bampate-mibali,

Ee bangomba mike, lokola bana-mpate?

 7 Ee mabele, lɛngá mpo na Nkolo,

Mpo na Nzambe ya Yakobo,+

 8 Oyo azali kobongola libanga ekóma etima oyo etondi na matiti,

Libanga ya silekisi na maziba ya mai.+