Yirimia
20 Sikoyo Pashure mwana ya Imere, nganga-nzambe, oyo azalaki mpe kapita oyo azalaki kokamba makambo na ndako ya Yehova, azalaki koyoka Yirimia ntango azalaki kosakola makambo yango. 2 Bongo Pashure abɛtaki mosakoli Yirimia mpe akɔtisaki ye na bikanga-makolo+ oyo ezalaki na porte ya likoló ya Benyamina, oyo ezalaki na ndako ya Yehova. 3 Kasi na mokolo oyo elandaki ntango Pashure abimisaki Yirimia na bikanga-makolo, Yirimia alobaki na ye ete:
“Yehova abengi yo na nkombo Pashure te, kasi Nsɔmɔ bipai nyonso.+ 4 Mpo talá oyo Yehova alobi: ‘Nakokómisa yo eloko ya nsɔmɔ mpo na yo moko mpe mpo na baninga na yo nyonso, bakokwea na mopanga ya banguna na bango wana miso na yo ezali kotala;+ mpe nakopesa Yuda mobimba na lobɔkɔ ya mokonzi ya Babilone, akomema bango na mboka mopaya na Babilone mpe akoboma bango na mopanga.+ 5 Mpe nakopesa na lobɔkɔ ya banguna na bango bozwi nyonso ya engumba oyo, biloko na yango nyonso, biloko na yango nyonso ya motuya, mpe biloko nyonso ya motuya ya bakonzi ya Yuda.+ Bakopunza yango, bakozwa yango mpe bakomema yango na Babilone.+ 6 Kasi mpo na yo, Ee Pashure, mpe bato nyonso oyo bafandi na ndako na yo. Bokokende bakangami; okokende na Babilone mpe okokufa kuna mpe bakokunda yo ná baninga na yo nyonso kuna, mpo osakweli bango makambo ya lokuta.’”+
7 Okosi ngai, Ee Yehova, mpe nakosami.
Osaleli makasi na yo epai na ngai, mpe olongi.+
Nakómi eloko ya kosɛka mokolo mobimba.
Moto nyonso azali kotyola ngai.+
8 Mpo ntango nyonso oyo nazali koloba, nasengeli koganga mpe kosakola ete
“Mobulu mpe libebi.”
Mpo liloba ya Yehova ekómeli ngai likambo ya kosambwa mpe ya kotyolama mokolo mobimba.+
Kasi na motema na ngai ekómaki lokola mɔtɔ oyo ezali kopela, oyo ekangami na kati ya mikuwa na ngai,
Mpe nakokaki lisusu te kobomba yango;
Nakokaki kokangela yango motema te.+
“Bófunda ye, tófunda ye!”
Moto nyonso oyo azali komonisa ete azali na kimya elongo na ngai azalaki kozela ete nasala likambo moko ya mabe:+
“Mbala mosusu akosala libunga moko ya bozoba,
Mpe tokoki kolonga ye mpe kozongisela ye mabe.”
11 Kasi Yehova azalaki elongo na ngai lokola mobundi-etumba moko ya nsɔmɔ.+
Yango wana baoyo bazali konyokola ngai bakobɛta libaku mpe bakolonga te.+
Bakopɔla na nsɔni mpenza, mpo makambo na bango ekotambola malamu te.
Kosambwa na bango ekoumela libela mpe bato bakobosana yango te.+
12 Kasi yo, Ee Yehova ya mampinga, ozali kotalatala moto ya sembo;
13 Bóyembela Yehova! Bósanzola Yehova!
Mpo abikisi mobola* na lobɔkɔ ya basali-mabe.
14 Mokolo oyo nabotamaki elakelama mabe!
Mokolo oyo mama na ngai abotaki ngai epambolama te!+
15 Alakelama mabe moto oyo amemelaki tata na ngai nsango malamu mpe alobaki ete:
“Baboteli yo mwana, mwana mobali!”
Yango esepelisaki ye mingi.
16 Moto yango akóma mpenza lokola bingumba oyo Yehova akweisá kozanga mawa.
Ayoka kolela na ntɔngɔ mpe makɛlɛlɛ ya etumba na midi.