147 Bósanzola Yah!
Ezali malamu koyemba mpo na kosanzola Nzambe na biso;
Ezali esengo mpe ebongi kosanzola ye!+
2 Yehova azali kotonga Yerusaleme;+
Azali kosangisa bato ya Yisraele oyo bapalanganá.+
3 Abikisaka baoyo bazoki na motema;
Akangaka bampota na bango.
4 Atángaka motángo ya minzoto;
Abengaka yango nyonso na nkombo na yango.+
5 Nkolo na biso azali monene mpe na nguya mingi;+
Mayele na ye ezali na nsuka te.+
6 Yehova atombolaka bato ya komikitisa,+
Kasi abwakaka bato mabe na mabele.
7 Bóyembela Yehova nzembo ya matɔndi;
Bóyemba mpo na kosanzola Nzambe na biso na nzɛnzɛ,
8 Ye oyo azipaka likoló na mapata,
Ye oyo anɔkisaka mbula na mabele,+
Ye oyo asalaka ete matiti ebima+ na bangomba.
9 Apesaka banyama bilei,+
Bana ya yanganga oyo ezali kobelela mpo na yango.+
10 Esengo na ye eutaka na nguya ya mpunda te;+
Makasi ya makolo ya moto ekamwisaka ye te.+
11 Yehova asepelaka na baoyo babangaka ye,+
Na baoyo bazelaka bolingo na ye ya sembo.+
12 Ee Yerusaleme, kumisá Yehova.
Ee Siona, sanzolá Nzambe na yo.
13 Akómisaka bikangiseli ya baporte na yo makasi;
Apambolaka bana na yo.
14 Atyaka kimya na teritware na yo;+
Atondisaka yo na mbuma ya blé oyo eleki malamu.+
15 Apesaka mabele mitindo;
Liloba na ye epotaka mbangu mpenza.
16 Atindaka nɛjɛ lokola lɛnɛ;+
Apalanganisaka glasi ya pɛtɛpɛtɛ lokola putulu ya mɔtɔ.+
17 Abwakaka mbula ya mabanga lokola biteni ya mampa.+
Nani akoki kotɛlɛma liboso ya malili na ye?+
18 Atindaka liloba na ye mpe enyangwaka.
Asalaka ete mopɛpɛ na ye epɛpa,+ mpe mai etíyolaka.
19 Ayebisaka Yakobo liloba na ye,
Malako na ye mpe bikateli na ye ya lisambisi epai ya Yisraele.+
20 Asalelá ekólo mosusu bongo te;+
Bayebi eloko moko te na oyo etali bikateli na ye ya lisambisi.
Bósanzola Yah!+