Loyembo ya ntango ya komata.
121 Natomboli miso na ngai na bangomba.+
Lisalisi na ngai ekouta wapi?
2 Lisalisi na ngai eutaka epai ya Yehova,+
Mokeli ya likoló ná mabele.
3 Akotika ata moke te ete lokolo na yo esɛlimwa.+
Ye oyo azali kobatela yo akoyoka mpɔngi ata moke te.
4 Talá! Akoyoka mpɔngi ata moke te mpe akolala te,
Ye oyo azali kobatela Yisraele.+
5 Yehova azali kobatela yo.
Yehova azali elili+ na lobɔkɔ na yo ya mobali.+
6 Na moi, moi ekobɛta yo te,+
Na butu, sanza mpe ekosala yo mabe te.+
7 Yehova akobatela yo na likambo nyonso ya mabe.+
Akobatela bomoi na yo.+
8 Yehova akobatela yo na nyonso oyo ozali kosala
Banda sikoyo mpe mpo na libela.