Mokanda ya mibale ya

24 Ntango Yehoyakime azalaki koyangela, Nebukadenezare+ mokonzi ya Babilone ayaki kobundisa Yuda, mpe Yehoyakime akómaki mosaleli na ye mbula misato. Kasi na nsima, Yehoyakime abalukelaki ye mpe atombokelaki ye. 2 Bongo Yehova abandaki kotindela Yehoyakime bituluku ya bapunzi ya Bakaladea,+ ya bato ya Siri, ya Bamoabe, mpe ya Baamone. Yehova azalaki se kotinda bango na Yuda mpo bábebisa yango, kaka ndenge alobaki yango+ na nzela ya basaleli na ye basakoli. 3 Yehova nde azwaki ekateli ete likambo yango ekómela Yuda, mpo alongola bafandi ya Yuda na miso na ye+ mpo na masumu nyonso oyo Manase asalaki,+ 4 mpe ndenge asopaki makila ya bato oyo bazali na likambo te.+ Ya solo, Manase atondisaki Yerusaleme na makila ya bato oyo bazali na likambo te. Mpe Yehova alingaki kolimbisa te.+

5 Makambo mosusu ya lisolo ya Yehoyakime, ná nyonso oyo asalaki, ekomami na buku ya masolo ya kala ya bakonzi ya Yuda.+ 6 Bongo Yehoyakime akufaki,*+ mpe mwana na ye Yehoyakine akómaki mokonzi na esika na ye.

7 Ata mokolo moko te mokonzi ya Ezipito amekaki lisusu kobima na ekólo na ye, mpo mokonzi ya Babilone abɔtɔlaki ye biloko nyonso oyo azalaki na yango,+ banda na Lobwaku* ya Ezipito+ tii na Ebale Efrate.+

8 Yehoyakine+ azalaki na mbula 18 ntango akómaki mokonzi, mpe ayangelaki sanza misato na Yerusaleme.+ Nkombo ya mama na ye ezalaki Nehushita mwana ya Elenatane, moto ya Yerusaleme. 9 Akobaki kosala makambo oyo ezali mabe na miso ya Yehova, na kolanda nyonso oyo tata na ye asalaki. 10 Na ntango yango, basoda ya Nebukadenezare mokonzi ya Babilone bayaki kobundisa Yerusaleme mpe bazingaki engumba yango.+ 11 Nebukadenezare mokonzi ya Babilone ayaki na engumba Yerusaleme na ntango oyo basoda na ye bazingaki yango.

12 Yehoyakine mokonzi ya Yuda, ná mama na ye, ná basaleli na ye, ná bankumu na ye, mpe bakapita ya ndako na ye+ bamikabaki epai ya mokonzi ya Babilone.+ Mokonzi ya Babilone akangaki Yehoyakine mpe amemaki ye na Babilone. Ezalaki na mbula ya mwambe ya boyangeli ya mokonzi ya Babilone.+ 13 Na nsima Mokonzi ya Babilone abimisaki biloko nyonso ya motuya ya tempelo* ya Yehova mpe biloko ya motuya ya ndako ya mokonzi ya Yuda.+ Akataki mikemike bisaleli nyonso ya wolo oyo Salomo mokonzi ya Yisraele asalaki na tempelo ya Yehova.+ Nyonso wana esalemaki kaka ndenge Yehova asakolaki yango. 14 Amemaki bato ya Yerusaleme mobimba na mboka mopaya: bankumu nyonso,+ bilombe nyonso ya etumba, moto nyonso oyo ayebi malamu misala ya mabɔkɔ mpe mosala ya bibende.*+ Bato yango nyonso bazalaki 10 000. Atikaki ata moto moko te na Yerusaleme, longola kaka baoyo bazalaki babola mpenza.+ 15 Bongo amemaki Yehoyakine+ na Babilone;+ amemaki mpe mama ya mokonzi, basi ya mokonzi, bakapita ya ndako na ye, mpe bato minene ya mboka; alongolaki bango na Yerusaleme mpe amemaki bango na Babilone. 16 Mokonzi ya Babilone amemaki mpe bilombe nyonso ya etumba. Bazalaki 7 000. Amemaki mpe bato 1 000 oyo bayebi malamu misala ya mabɔkɔ ná mosala ya bibende.* Bango nyonso bazalaki mibali ya nguya mpe mibali oyo bayebi mpenza kobunda. 17 Mokonzi ya Babilone akómisaki Matania, leki ya tata ya Yehoyakine,+ mokonzi na esika ya Yehoyakine mpe apesaki ye nkombo mosusu: Zidikiya.+

18 Zidikiya azalaki na mbula 21 ntango akómaki mokonzi, mpe ayangelaki mbula 11 na Yerusaleme. Nkombo ya mama na ye ezalaki Hamutale,+ mwana ya Yirimia, moto ya engumba Libina. 19 Zidikiya akobaki kosala makambo oyo ezali mabe na miso ya Yehova, kaka ndenge Yehoyakime asalaki.+ 20 Makambo wana nyonso ekómelaki Yerusaleme mpe Yuda mpo Yehova azalaki na nkanda makasi, yango wana nsukansuka, alongolaki bango na miso na ye.+ Mpe Zidikiya atombokelaki mokonzi ya Babilone.+