Basambisi
5 Na mokolo yango, Debora+ ná Barake,+ mwana ya Abinoame, bayembaki loyembo oyo:+
2 “Lokola bilombe ya etumba na Yisraele bafungoli nsuki na bango,*
Lokola bato bamipesi bango moko,+
Bósanzola Yehova!
3 Bóyoka, bino bakonzi! Bótya litoi, bino bayangeli!
Nakoyembela Yehova.
Nakoyemba mpo na kosanzola* Yehova,+ Nzambe ya Yisraele.+
4 Yehova, ntango obimaki na Seire,+
Ntango olongwaki na teritware ya Edome,
Mabele eninganaki, mpe likoló esopanaki,
Mapata esopaki mai.
5 Bangomba enyangwaki* liboso ya Yehova,+
Ata Sinai enyangwaki liboso ya Yehova,+ Nzambe ya Yisraele.+
6 Na mikolo ya Shamagare+ mwana ya Anate,
Na mikolo ya Yaele,+ banzela ekaukaki;
Bato ya mibembo bazalaki koleka na banzela ya mike.
7 Bato oyo bafandaka na bamboka na Yisraele bazalaki lisusu te;*
Bazalaki lisusu te tii ntango ngai Debora+ natɛlɛmaki,
Tii ntango natɛlɛmaki lokola mama na Yisraele.+
Nguba ezalaki komonana te, ata likɔnga mpe te,
Kati na bato 40 000 na Yisraele.
9 Motema na ngai ezali elongo na bakomanda ya Yisraele,+
Baoyo bamipesaki bango moko mpe bakendaki elongo na bato.+
Bósanzola Yehova!
10 Bino batambwisi-mpunda ya langi ya mwa mosaka,
Bino baoyo bofandi na tapi ya kitoko mpenza,
Mpe bino baoyo bozali kotambola na nzela,
Bókanisa likambo oyo:
11 Mingongo ya bato oyo bamemelaka banyama mai eyokanaki na bisika ya kotoka mai;
Kuna bazalaki kolobela misala ya bosembo ya Yehova,
Misala ya bosembo ya bato na ye oyo bafandaka na bamboka na Yisraele.
Na nsima, bato ya Yehova bakitaki tii na baporte ya engumba.
12 Lamuká, lamuká, Ee Debora!+
Lamuká, lamuká, yembá loyembo!+
Tɛlɛmá, Barake!+ Memá bakangami na yo, yo mwana ya Abinoame!
13 Na nsima, bato oyo batikalaki bakitaki epai ya bato ya lokumu;
Bato ya Yehova bakitaki epai na ngai mpo na kobunda na bato ya nguya.
Bakomanda bautaki na Makire+ mpe bakitaki,
Mpe baoyo bazali kozwa bato mpo na mosala ya soda* bautaki na Zebulone.
15 Bankumu ya Isakare bazalaki elongo na Debora;
Kaka ndenge Isakare asalaki, Barake+ mpe asalaki bongo.
Batindaki ye akende na makolo na lobwaku patatalu.+
Bato ya libota ya Rubene bazalaki komitunatuna mingi na motema.
16 Mpo na nini ofandaki na katikati ya mabenga mibale ya kiti ya mpunda,*
Mpe oyokaki babateli ya mpate bazali kobɛta piololo mpo na bitonga?+
Bato ya libota ya Rubene bazalaki komitunatuna mingi na motema.
18 Bato ya libota ya Zebulone batyaki bomoi* na bango na likama tii pene na liwa;
Bato ya libota ya Nafatali basalaki mpe bongo,+ likoló ya bangomba.+
19 Bakonzi bayaki mpe babundaki;
Bongo bakonzi ya Kanana babundaki+
Na Taanake, pene na mai ya Megido.+
Bapunzaki palata te.+
20 Longwa na likoló, minzoto ebundaki;
Longwa na banzela na yango, ebundisaki Sisera.
Onyataki bato ya nguya, Ee molimo* na ngai.
22 Na nsima, basabo ya bampunda ebɛtabɛtaki mabele
Wana bampunda na ye ya mibali ezalaki kopota mbangu na nkanda mpenza.+
23 Anzelu ya Yehova alobaki: ‘Bólakela Meroze mabe,
Bólakela bato oyo bafandi kuna mabe,
Mpo bayaki te kopesa Yehova mabɔkɔ,
Bayaki te na bilombe na bango mpo na kopesa Yehova mabɔkɔ.’
24 Mwasi oyo apambwami koleka basi nyonso ezali Yaele+
Mwasi ya Hebere+ Mokeni;
Apambwami koleka basi nyonso oyo bafandaka na bahema.
25 Asɛngaki ye mai; Yaele apesaki ye miliki.
Na kati ya saani monene ya fɛti, apesaki ye miliki ya kilo.*+
26 Asembolaki lobɔkɔ na ye mpo na kozwa pike ya hema,
Lobɔkɔ na ye ya mobali mpo na kozwa marto ya kilo.
Mpe abɛtaki Sisera na marto, apanzaki motó na ye,
Bongo apanzaki mpe atɔbɔlaki mopanzi ya motó na ye.+
27 Abambanaki na katikati ya makolo na ye; akweaki, alalaki, mpe azalaki koningana te;
Abambanaki mpe akweaki na katikati ya makolo na ye;
Esika abambanaki, kuna nde akweaki mpe akufaki.
28 Na fɛnɛtrɛ, mwasi moko azalaki kotala libándá,
Mama ya Sisera azalaki kotala na fɛnɛtrɛ:
‘Mpo na nini likalo na ye eumeli boye?
Mpo na nini lokito ya bampunda ya makalo na ye ezali koya noki te?’+
29 Baoyo baleki na bwanya kati na basi na ye nyonso ya lokumu bazalaki kopesa ye eyano;
Ɛɛ, ye mpe azalaki kolobaloba ye moko:
30 ‘Na ntembe te, bazali kokabola biloko oyo bapunzi,
Elenge mwasi* moko, bilenge basi* mibale, mpo na mobali ya etumba mokomoko,
Bilamba ya langilangi oyo bapunzi mpo na Sisera, bilamba ya langilangi oyo bapunzi,
Elamba ya mayemi ya nsingansinga, elamba ya langilangi, bilamba mibale ya mayemi ya nsingansinga
Mpo na bankingo ya bapunzi.’
31 Na yango, tiká banguna na yo nyonso básila,+ Ee Yehova,
Kasi tiká bato oyo balingaka yo bázala lokola moi ntango ebimaka na nkembo na yango.”
Bongo mokili yango ekómaki na kimya mbula 40.+