Mitángo
24 Ntango Balaama amonaki ete kopambola Yisraele ezalaki kosepelisa* Yehova, akendaki lisusu te koluka bilembo ya makambo oyo ekoya mpo na kolɔka,+ kasi atalisaki elongi na ye na esobe. 2 Ntango Balaama atombolaki miso na ye mpe amonaki Yisraele bafandi na bahema na kolanda mabota na bango,+ elimo ya Nzambe ekitelaki ye.+ 3 Na nsima, abimisaki liloba oyo ya lisese ete:+
“Liloba ya Balaama mwana ya Beore,
Mpe liloba ya mobali oyo miso efungwamaki,
4 Liloba ya moto oyo azali koyoka liloba ya Nzambe,
Oyo amonaki emonaneli ya Mozwi-ya-Nguya-Nyonso,
Oyo agumbamaki miso polele:+
6 Lokola mabwaku* oyo etandami mosika,+
Lokola bilanga pembeni ya ebale,
Lokola banzete ya aloe* oyo Yehova aloni,
Lokola banzete ya sɛdrɛ pembeni ya mai.
7 Mai ezali kobima na katini na ye mibale ya mposo ya nyama,
8 Nzambe azali kobimisa ye na Ezipito;
Mpo na bango, azali lokola ngɔmbɛ-mobali ya zamba.
Akozikisa bikólo, banyokoli na ye,+
Mpe akolyalya mikuwa na bango, mpe akobukabuka bango na makula na ye.
9 Agumbamaki, alalaki lokola nkɔsi,
Mpe lokola nkɔsi, nani akomeka kolamwisa ye?
Baoyo bazali kopambola yo bakopambolama,
Mpe baoyo bazali kolakela yo mabe bakolakelama mabe.”+
10 Na yango, Balake asilikelaki Balaama makasi. Balake abɛtaki mabɔkɔ na nkanda, mpe alobaki lisusu na Balaama ete: “Nabengaki yo mpo olakela banguna na ngai mabe,+ kasi talá, na esika osala yango, yo opamboli nde bango mbala misato oyo. 11 Sikoyo zongá nokinoki na ndako na yo. Nazalaki kokanisa kopesa yo mpenza lokumu,+ kasi talá, Yehova aboyeli yo lokumu.”
12 Balaama ayanolaki Balake ete: “Nalobaki te na bamemi-nsango na yo ete: 13 ‘Ata soki Balake apesi ngai ndako na ye etondi na palata mpe na wolo, nakokaki te kosala eloko moko na ndenge na ngai* oyo ekobuka etinda ya Yehova, ezala malamu to mabe? Nalobaki te ete nakoloba kaka oyo Yehova akoloba na ngai?+ 14 Mpe sikoyo, nazali kokende epai ya bato na ngai. Yaká nayebisa yo makambo bato oyo bakosala bato na yo, na mikolo ezali koya.”* 15 Bongo alobaki lisese oyo ete:+
“Liloba ya Balaama mwana ya Beore,
Mpe liloba ya mobali makasi oyo miso efungwamaki,+
16 Liloba ya moto oyo azali koyoka maloba ya Nzambe,
Mpe moto oyo azwi boyebi ya Oyo-Aleki-Likoló,
Amonaki emonaneli ya Mozwi-ya-Nguya-Nyonso
Wana azalaki kogumbama miso polele:
17 Nakomona ye, kasi sikoyo te;
Nakotala ye, kasi sikoyo te.
18 Mpe Edome ekokóma eloko ya bato,+
Ɛɛ, Seire+ eloko ya banguna na ye,+
Wana Yisraele azali komonisa mpiko na ye.
19 Mpe moto moko akouta na Yakobo mpe akotya bato na nse ya bokonzi na ye,+
Mpe akobebisa moto nyonso oyo abiki na engumba.”
20 Ntango amonaki Amaleke, akobaki lisese na ye ete:
21 Ntango amonaki Bakeni,+ akobaki lisese na ye ete:
“Esika na yo ya kofanda ezali kobatelama, mpe esika na yo ya kofanda ezali likoló ya libanga.
22 Kasi moto moko akozikisa Kaine.
Ntango boni ekoleka liboso Asiri emema yo mokangami?”
23 Mpe akobaki lisese na ye ete:
“Mawa! Nani akobika ntango Nzambe akosala yango?
Kasi ye mpe akokufa mpenza.”
25 Na nsima, Balaama+ atɛlɛmaki mpe azongaki na esika na ye. Balake mpe akendaki.