Mokanda ya liboso ya Ntango

24 Bituluku ya bakitani ya Arona yango oyo: Bana ya Arona ezalaki Nadabe, Abihu,+ Eleazare, ná Itamare.+ 2 Nzokande, Nadabe ná Abihu bakufaki liboso ya tata na bango,+ mpe bazalaki na bana mibali te; kasi Eleazare+ ná Itamare bakobaki kosala lokola banganga-nzambe. 3 Davidi, ná Zadoke+ moto ya libota ya Eleazare, mpe Ahimeleke moto ya libota ya Itamare, bakabolaki bakitani ya Arona na bituluku mpo na kopesa bango misala oyo basengeli kosala. 4 Lokola bankumu bazalaki mingi kati na bana ya Eleazare koleka kati na bana ya Itamare, bakabolaki bango boye: Bana ya Eleazare bazwaki bankumu 16 mpo na mabota ya batata na bango, mpe bana ya Itamare bazwaki bankumu 8 mpo na mabota ya batata na bango.

5 Lisusu, bakabolaki bango nsima ya kobwaka mbɛsɛ,+ etuluku oyo ná etuluku mosusu, mpo ezalaki na bakambi ya esika mosantu mpe bakambi oyo basalelaka Nzambe ya solo oyo bautaki na libota ya Eleazare mpe ya Itamare. 6 Na nsima, Shemaya mwana ya Netanele, sɛkrɛtɛrɛ ya Balevi, akomaki bankombo na bango na miso ya mokonzi, ya bankumu, ya nganga-nzambe Zadoke,+ ya Ahimeleke+ mwana ya Abiatare,+ mpe na miso ya bankumu ya batata ya mabota ya banganga-nzambe mpe ya Balevi. Bazalaki kopona libota mokomoko ya batata na ngala na yango, moko mpo na Eleazare mpe moko mpo na Itamare.

7 Mbɛsɛ ya liboso ebimaki mpo na Yehoyaribe; ya mibale mpo na Yedaya, 8 ya misato mpo na Harime, ya minei mpo na Seorime, 9 ya mitano mpo na Malakiya, ya motoba mpo na Miyamine, 10 ya nsambo mpo na Hakoze, ya mwambe mpo na Abiya,+ 11 ya libwa mpo na Yeshua, ya zomi mpo na Shekania, 12 ya 11 mpo na Eliashibe, ya 12 mpo na Yakime, 13 ya 13 mpo na Hupa, ya 14 mpo na Yeshebeabe, 14 ya 15 mpo na Biliga, ya 16 mpo na Imere, 15 ya 17 mpo na Hezire, ya 18 mpo na Hapizeze, 16 ya 19 mpo na Petaya, ya 20 mpo na Yehezekele, 17 ya 21 mpo na Yakine, ya 22 mpo na Gamule, 18 ya 23 mpo na Delaya, ya 24 mpo na Maazia.

19 Na molɔngɔ wana nde bazalaki kosala misala na bango+ ntango bazalaki kokɔta na ndako ya Yehova, kaka ndenge nkɔkɔ na bango Arona abongisaki, na kolanda mitindo oyo Yehova Nzambe ya Yisraele apesaki ye.

20 Mpe na Balevi mosusu oyo batikali: na bana ya Amirame,+ Shubaele;+ na bana ya Shubaele, Yehedeya; 21 na bana ya Rehabia,+ nkumu Yishia; 22 na bana ya Bayizare: Shelomote;+ na bana ya Shelomote, Yahate; 23 mpe na bana ya Hebrone: nkumu Yeria,+ ya mibale Amaria, ya misato Yahaziele, ya minei Yekameame; 24 na bana ya Uziele, Mika; na bana ya Mika, Shamire. 25 Ndeko ya Mika ezalaki Yishia; na bana ya Yishia, Zekaria.

26 Bana ya Merari+ ezalaki Maheli ná Mushi; na bana ya Yaazia, Beno. 27 Bana ya Merari: ya Yaazia, Beno, Shohame, Zakure, ná Ibri; 28 ya Maheli, Eleazare, oyo azalaki na bana mibali te.+ 29 Na Kishe: bana ya Kishe, Yerameele; 30 mpe bana ya Mushi ezalaki Maheli, Edere, ná Yerimote.

Wana nde bana ya Levi na kolanda mabota ya batata na bango. 31 Bango mpe babwakaki mbɛsɛ+ kaka ndenge bandeko na bango bana ya Arona basalaki yango, na miso ya Mokonzi Davidi, ya Zadoke, ya Ahimeleke, mpe na miso ya bankumu ya batata ya mabota ya banganga-nzambe mpe ya Balevi. Mpe na mabota ya batata, bazalaki kotalela nkumu ya mokóló ndenge moko ná oyo ya leki.