Nzembo

Epai ya mokambi ya nzembo. Maskile.* Ya Davidi, ntango Doege Moedome ayaki koyebisa Saulo ete Davidi akendaki na ndako ya Ahimeleke.+

52 Mpo na nini ozali komikumisa mpo na misala na yo ya mabe, yo moto ya nguya?+

Bolingo ya sembo ya Nzambe ezali koumela mokolo mobimba.+

2 Lolemo na yo, oyo epeli lokola razware,+

Ezali kokana kosala mabe mpe ezali kosala na bokosi.+

3 Olingi mabe koleka malamu,

Lokuta koleka koloba oyo ezali sembo. (Sela)

4 Olingi liloba nyonso oyo esalaka mabe,

Yo lolemo oyo elobaka makambo ya bokosi!

5 Yango wana Nzambe akobebisa yo mbala moko mpo na libela;+

Akotombola yo nokinoki mpe akolongola yo na hema na yo,+

Akopikola yo na mokili ya bato ya bomoi.+ (Sela)

6 Bato ya sembo bakomona yango mpe bakotonda na nsɔmɔ,+

Mpe bakosɛka ye:+

7 “Talá mobali oyo azalaki te kotya Nzambe azala esika na ye ya kokima,*+

Kasi atyaki motema nde na ebele ya bomɛngo na ye+

Mpe atyaki motema* na makambo ya mabe oyo azalaki kokana kosala.”*

8 Kasi nakozala lokola nzete ya olive oyo etondi na nkasa na kati ya ndako ya Nzambe;

Natye motema na bolingo ya sembo ya Nzambe+ libela na libela.

9 Nakosanzola yo libela na libela mpo na oyo osali;+

Liboso ya bato na yo ya sembo,

Nakotya elikya na nkombo na yo,+ mpo yango ezali malamu.