Yirimia
22 Talá oyo Yehova alobi: “Kitá na ndako ya mokonzi ya Yuda, mpe yebisá ye nsango oyo. 2 Osengeli koloba boye: ‘Yoká liloba ya Yehova, Ee mokonzi ya Yuda, yo moto ozali kofanda na kiti ya bokonzi ya Davidi, yo elongo na basali na yo mpe bato na yo, baoyo bazali kokɔta na baporte oyo. 3 Talá oyo Yehova alobi: “Bókata likambo na bosembo mpe na boyengebene. Bóbikisa moto oyo bazali koyiba ye epai ya mobubi. Bónyokola mopaya ata moko te, mwana oyo tata akufá mpe mwasi oyo mobali akufá bósala bango mabe te.+ Mpe na esika oyo, bósopa te makila ya moto oyo azali na likambo te.+ 4 Mpo soki botosi mpenza liloba oyo, bakonzi oyo bafandi na kiti ya bokonzi ya Davidi+ bakokɔta na baporte ya ndako oyo, bakomata na makalo mpe na bampunda, bango ná basali na bango mpe bato na bango.”’+
5 “‘Kasi soki botosi te maloba oyo, nazali kolapa ndai na nkombo na ngai moko,’ Yehova alobi bongo, ‘ete ndako oyo ekokóma esika oyo ebebisami.’+
6 “Talá oyo Yehova alobi mpo na ndako ya mokonzi ya Yuda:
‘Ozali lokola Gileade na miso na ngai,
Lokola nsɔngɛ ya Liban.
Kasi nakokómisa yo esobe;
Bato bakofanda ata na engumba na yo moko te.+
Mpe bakokata banzete na yo ya sɛdrɛ oyo eleki kitoko
Mpe bakobwaka yango na mɔtɔ.+
8 “‘Mpe bato ya bikólo ebele bakoleka pene na engumba oyo mpe bakolobana ete: “Mpo na nini Yehova asali boye na engumba oyo monene?”+ 9 Mpe bakoyanola bango boye: “Ezali mpo batikaki kondimana ya Yehova Nzambe na bango mpe bagumbamelaki banzambe mosusu mpe basalelaki bango.”’+
10 Bólela te mpo na moto oyo akufi,
Mpe bóyoka mawa te mpo na ye.
Bólela mingi nde mpo na moto oyo azali kokende,
Mpo akozonga lisusu te mpo na komona mokili epai abotamaki.
11 “Mpo talá oyo Yehova alobi mpo na Shalume*+ mwana ya Yosiya, mokonzi ya Yuda oyo azali koyangela na esika ya Yosiya tata na ye,+ oyo alongwe na esika oyo: ‘Akozonga awa lisusu te. 12 Mpo akokufa epai bamemi ye na mboka mopaya, mpe akomona mokili oyo lisusu te.’+
13 Mawa na moto oyo azali kotonga ndako na ye mpe bashambrɛ na ye ya likoló,
Kasi nakozanga bosembo,*
Oyo azali kosalisa moninga na ye mosala kaka mpamba,
Mpe azali koboya kofuta ye;+
14 Moto oyo azali koloba ete: ‘Nakomitongela ndako moko monene
Oyo ezali na bashambrɛ minene ya likoló.
Nakosalela yango bafɛnɛtrɛ
Mpo na koyeisa yango kitoko, nakolatisa yango mabaya ya sɛdrɛ mpe nakopakola yango langi ya motane pɛɛ.’
15 Okokoba nde koyangela mpo ozali kosalela nzete ya sɛdrɛ mingi koleka basusu?
Tata na yo alyaki mpe amɛlaki,
Kasi asalaki makambo na bosembo mpe na boyengebene,+
Mpe makambo etambolaki malamu mpo na ye.
16 Abundelaki lotomo ya moto ya mpasi mpe ya mobola,
Yango wana makambo etambolaki malamu.
‘Yango te koyeba ngai?’ Yehova alobi bongo.
17 ‘Kasi miso mpe motema na yo etyami na eloko mosusu te, kaka na makambo oyo:
Koluka litomba na yo ya mabe, kosopa makila ya moto oyo azali na likambo te,
Mpe kobɔtɔla ná kobuba.’
18 “Na yango talá oyo Yehova alobi mpo na Yehoyakime+ mwana ya Yosiya, mokonzi ya Yuda:
‘Bakolela mpo na ye te ete:
“Mawa, ndeko na ngai ya mobali! Mawa, ndeko na ngai ya mwasi!”
Bakolela ye te ete:
“Mawa, Ee nkolo! Mawa, mokonzi!”
19 Akokundama ndenge mpunda ekundamaka,+
Akobendama mpe akobwakama libándá
Na baporte ya Yerusaleme.’+
20 Matá na Liban mpe gangá,
Tombolá mongongo na yo na Bashane.
Mpe gangá uta na Abarime,+
Mpo baoyo nyonso balingaka yo makasi babukanibukani.+
21 Nalobaki na yo na ntango oyo ozalaki komiyoka ete obatelami.
Kasi olobaki ete: ‘Nakotosa te.’+
Yango nde nzela na yo banda bolenge na yo,
Mpo otosaki mongongo na ngai te.+
22 Mopɛpɛ ekomema mosika babateli na yo nyonso ya mpate,+
Mpe baoyo nyonso balingaka yo makasi bakokende bakangami.
Bongo okoyoka nsɔni mpe okosambwa mpo na mpasi na yo nyonso.
23 Ee yo oyo ofandi na Liban,+
Oyo ofandi na zumbu* na banzete ya sɛdrɛ,+
Okolelalela* mpenza ntango mpasi makasi ekokwela yo,
Mpasi lokola ya mwasi oyo azali kobota!”+
24 Yehova alobi boye: “‘Lokola nazali solo na bomoi,’ ‘ata soki Konia*+ mwana ya Yehoyakime,+ mokonzi ya Yuda, azalaka lopɛtɛ ya kotya kashɛ na lobɔkɔ na ngai ya mobali, nalingaki kolongola ye wana! 25 Nakopesa yo na lobɔkɔ ya baoyo bazali koluka koboma yo,* na lobɔkɔ ya baoyo ozali kobanga, na lobɔkɔ ya Nebukadenezare mokonzi ya Babilone mpe na lobɔkɔ ya Bakaladea.+ 26 Yo ná mama na yo oyo abotaki yo nakobwaka bino na mokili mosusu epai bobotamaki te, mpe kuna nde bokokufa. 27 Mpe bakozonga te na mokili oyo balingaka mingi.*+
28 Moto oyo Konia, azali nde mbɛki oyo batyoli, oyo babuki,
Mbɛki oyo moto moko te azali na mposa na yango?
Mpo na nini ye ná libota na ye babwakami na nse
Mpe babwakami na mokili oyo bayebi te?’+
29 Ee mabele,* mabele, mabele, yoká liloba ya Yehova.
30 Talá oyo Yehova alobi: