Yobo

 2 Bato mosusu bapusi bilembo ya ndelo ya mabele;+

Bayibi bitonga mpo bango moko bábɔkɔla yango.

 3 Bazwaka na makasi mpunda ya bana oyo batata bakufá

Mpe bakangaka ngɔmbɛ-mobali ya mwasi oyo mobali akufá mpo ezala ndanga.+

 4 Babenganaka na makasi babola bálongwa na nzela;

Bato oyo bazangi lisalisi na mabele bamibombaka mosika na bango.+

 5 Babola balukaka biloko ya kolya ndenge bampunda ya zamba+ elukaka bilei na esobe;

Balukaka biloko ya kolya mpo na bana na bango na mokili ekauká.

 6 Basengeli kobuka bilei na bilanga ya moto mosusu*

Mpe balɔkɔtaka na elanga ya vinyo ya bato mabe.

 7 Balalaka bolumbu na butu mpo bazangi elamba;+

Bazali na eloko ya kozipa nzoto te mpo na malili.

 8 Bapɔlaka na mbula ya bangomba;

Bakangamaka na mabanga mpo esika ya kobombana ezali te.

 9 Babɔtɔlaka ata na libɛlɛ mwana oyo tata akufá;+

Mpe bazwaka elamba ya mobola lokola ndanga,+

10 Yango wana basengeli kotambola bolumbu mpo bazangi elamba,

Mpe na nzala na bango, bazali komema mitó ya mbuma ya blé oyo babuki.

11 Banyokwamaka na mosala na katikati ya bifelo ya mikala na moi makasi;*

Banyatanyataka mbuma ya vinyo na bikamwelo, atako bongo bakufaka na mposa ya mai.+

12 Na kati ya engumba, bato oyo bazali pene na liwa bazali kolelalela,*

Mpe baoyo bazoki mpota ya liwa bazali* kobelela mpo na kosɛnga lisalisi,+

Kasi Nzambe amoni yango mabe te.*

13 Ezali na baoyo batombokelaka pole;+

Bayebaka banzela na yango te,

Mpe balandaka balabala na yango te.

14 Na ntɔngɔ, mobomi-bato atɛlɛmaka;

Abomaka moto oyo azangi lisalisi mpe mobola,+

Kasi na butu, amipesaka na koyiba.

15 Liso ya moto ya ekobo ezeli mpokwa liboso molili ekɔta,+

Elobi: ‘Moto moko te akomona ngai!’+

16 Na molili, bakɔtaka na bandako na makasi;*

Na moi, bakomikangela kuna.

17 Mpo na bango, ntɔngɔ ezali lokola molili makasi,

Mpo bameseni na nsɔmɔ ya molili makasi.

19 Ndenge kaka eleko ya kokauka ná molunge esilisaka nɛjɛ oyo ekómi mai,

Ndenge moko mpe Nkunda* ezwaka baoyo basali masumu!+

21 Alyelaka mwasi oyo abotaka te,

Mpe anyokolaka mwasi oyo mobali akufá.

22 Nzambe* akosalela makasi na ye mpo na kosilisa bato ya nguya;

Atako bakoki kotɛlɛma, bayebi te soki bakozala na bomoi.

23 Nzambe* akotika ete bámityela motema mpe báyoka ete babatelami;+

Kasi miso na ye ezali kotala nyonso oyo bazali kosala.*+

Bakitisami+ mpe bakufi lokola moto nyonso;

Bakatami lokola mitó ya mbuma.

25 Sikoyo, nani akoki komonisa ete nazali moto ya lokuta

To akoki koboya liloba na ngai?”