Yobo

 3 Nzambe akobongola nde lisambisi,

To Mozwi-ya-Nguya-Nyonso akobongola nde bosembo?*

 4 Soki bana na yo basalelaki ye lisumu,

Atiki bango bázwa etumbu mpo na botomboki na bango;*

 5 Kasi soki olukaka Nzambe,+

Mpe obondelaka Mozwi-ya-Nguya-Nyonso mpo amonisela yo boboto,

 6 Mpe soki ozalaka mpenza pɛto mpe sembo,+

Alingaki kotyela yo likebi*

Mpe kozongisa yo na esika oyo ebongi na yo.

 7 Mpe atako ebandeli na yo ezalaki moke,

Nsuka na yo ekozala monene mpenza.+

 8 Nabondeli yo, tuná libota ya kala,

Mpe tyá likebi na makambo oyo batata na bango bamonaki.+

 9 Mpo tozali na biso kaka bato ya lobilobi awa, mpe toyebi eloko moko te,

Mpamba te mikolo na biso na mabele ezali kaka elili.

10 Bakolakisa yo te

Mpe bakoyebisa yo te makambo oyo bayebi?*

12 Wana ebimi sika, babuki yango naino te,

Ekokauka liboso ya matiti mosusu nyonso.

13 Baoyo nyonso babosanaka Nzambe basukaka bongo,*

Mpe moto oyo atosaka Nzambe te* akozanga elikya,

14 Eloko oyo atyelaka elikya ezali mpamba,

Mpe eloko oyo atyelaka motema ezali pɛtɛɛ lokola ndako ya limpulututu.

15 Akolalela ndako na ye, kasi ekotɛlɛma te;

Akomeka kosimba yango, kasi ekoumela te.

16 Azali lokola nzete oyo mai etondi na kati, na nse ya moi,

Mpe mwa nzete na ye ezali kopanzana na kati ya elanga.+

17 Misisa na ye etonganitongani na libondo ya mabanga;

Azali koluka ndako na kati ya mabanga.*

18 Kasi soki bapikoli* ye na esika na ye,

Esika yango ekowangana ye na maloba oyo: ‘Natikalá komona yo te.’+

19 Ɛɛ, bongo nde akolimwa;+

Na nsima, basusu bakobima na putulu.

20 Ya solo, Nzambe akobwaka te baoyo babatelaka bosembo;*

Akosalisa mpe* moto mabe te,

21 Mpo akotondisa monɔkɔ na yo na kosɛka,

Mpe mbɛbu na yo na koganga ya esengo.

22 Baoyo bazali koyina yo bakolata nsɔni,

Mpe hema ya bato mabe ekozala lisusu te.”