Mokanda ya liboso ya Ntango

26 Bituluku ya bakɛngɛli ya baporte+ ezalaki boye: Na Bakora, Meshelemia+ mwana ya Kore, moto ya libota ya Asafe. 2 Meshelemia azalaki na bana: mwana ya liboso Zekaria, ya mibale Yediaele, ya misato Zebadia, ya minei Yatiniele, 3 ya mitano Elame, ya motoba Yehohanane, ya nsambo Elieho-enai. 4 Mpe Obede-edome azalaki na bana: mwana ya liboso Shemaya, ya mibale Yehozabade, ya misato Yoa, ya minei Sakare, ya mitano Netanele, 5 ya motoba Amiele, ya nsambo Isakare, mpe ya mwambe Peuletai; mpo Nzambe apambolaki Obede-edome.

6 Mpe mwana na ye Shemaya abotaki bana oyo bazalaki bankumu ya mabota ya batata na bango, mpo bazalaki mibali ya nguya mpe ya mpiko. 7 Bana ya Shemaya: Otini, Refaele, Obede, ná Elezabade; mpe bandeko na ye, Elihu mpe Semakia, bazalaki mpe mibali ya mpiko. 8 Bango nyonso wana bautaki na libota ya Obede-edome. Bango ná bana na bango mpe bandeko na bango bazalaki mibali ya mpiko mpe oyo babongi mpo na mosala: bato 62 ya libota ya Obede-edome. 9 Meshelemia+ azalaki na bana mpe bandeko ya mibali, bango nyonso mibali ya mpiko 18. 10 Hosa, moto ya libota ya Merari, abotaki bana mibali. Shimiri azalaki nkumu, mpo atako azalaki mwana ya liboso te, tata na ye atyaki ye nkumu. 11 Mwana ya mibale Hilikiya, ya misato Tebalia, ya minei Zekaria. Bana nyonso ná bandeko ya mibali ya Hosa bazalaki bato 13.

12 Na bituluku wana ya bakɛngɛli ya baporte, nkumu azalaki na mikumba kaka ndenge moko na bandeko na ye, mpo na kosala na ndako ya Yehova. 13 Na yango, babwakaki mbɛsɛ+ na kolanda mabota ya batata na bango, ezala ya mike to ya minene, mpo na koyeba banani bakokɛngɛla na baporte boye to boye. 14 Mbɛsɛ elakisaki ngámbo ya ɛsti mpo na Shelemia. Babwakaki mbɛsɛ mpo na Zekaria, mwana na ye oyo azalaki mopesi-toli ya mayele, mpe elakisaki ngámbo ya nɔrdi. 15 Mbɛsɛ elakisaki ngámbo ya sudi mpo na Obede-edome, mpe bana+ na ye baponamaki mpo na kokɛngɛla bandako ya kobomba biloko. 16 Mpo na Shupime ná Hosa,+ mbɛsɛ elakisaki ngámbo ya wɛsti, pene na Porte ya Shalekete, mosika te na balabala monene oyo ematá, etuluku ya bakɛngɛli etalani na etuluku ya bakɛngɛli; 17 ezalaki na Balevi motoba na ɛsti; na nɔrdi minei mokolo na mokolo mpe na sudi minei mokolo na mokolo; mpe na bandako ya kobomba biloko,+ mibalemibale; 18 mpo na veranda monene na wɛsti, bazalaki minei na balabala monene,+ mpe mibale na veranda monene. 19 Wana nde bituluku ya bakɛngɛli ya baporte oyo bazalaki bakitani ya Bakora mpe ya Bamerari.

20 Mpo na oyo etali Balevi, Ahiya azalaki na mokumba ya kobatela bisika ya kobomba biloko ya motuya ya ndako ya Nzambe ya solo mpe bisika ya kobomba biloko oyo esantisami.*+ 21 Bana ya Ladane: bana ya Bagereshone ya libota ya Ladane, bankumu ya mabota ya batata ya Ladane Mogereshone, Yehieli+ 22 ná bana ya Yehieli, Zetame ná ndeko na ye Yoele. Bazalaki kosala na bisika ya kobomba biloko ya motuya ya ndako ya Yehova.+ 23 Kati na Baamirame, Bayizare, Bahebrone, mpe Bauziele,+ 24 Shebuele mwana ya Gereshome, mwana ya Moize, azalaki mokambi ya bandako ya kobomba biloko. 25 Mpo na bandeko na ye, oyo bautaki na libota ya Eliezere,+ ezalaki na mwana na ye Rehabia,+ mwana na ye Yeshaya, mwana na ye Yorame, mwana na ye Zikri, mpe mwana na ye Shelomote. 26 Shelomote ná bandeko na ye bazalaki kosala na bisika nyonso ya kobomba biloko oyo esantisami,+ oyo Mokonzi Davidi,+ bankumu ya mabota ya batata,+ bakonzi ya bato nkóto mpe ya bato nkama, mpe bakonzi ya limpinga basantisaki. 27 Na biloko oyo bapunzaki+ na bitumba,+ basantisaki ndambo mosusu mpo na kobongisaka na yango ndako ya Yehova; 28 ezalaki mpe na biloko nyonso oyo Samwele momoni-makambo,+ Saulo mwana ya Kishe, Abinere+ mwana ya Nere, ná Yoabe+ mwana ya Zeruya+ bansatisaki. Eloko nyonso oyo moto asantisi, bazalaki kopesa yango na mabɔkɔ ya Shelomite ná bandeko na ye.

29 Kati na Bayizare:+ Kenania ná bana na ye batyamaki mpo na kotambwisa misala ndenge na ndenge, lokola bakambi mpe basambisi+ na Yisraele.

30 Kati na Bahebrone:+ Hashabia ná bandeko na ye, mibali ya mpiko 1 700, bazalaki kotambwisa makambo ya Yisraele, na etúká ya wɛsti ya Yordani, mpo na mosala nyonso ya Yehova mpe misala ya mokonzi. 31 Kati na Bahebrone: Yeriya+ azalaki nkumu ya Bahebrone, na kolanda molɔngɔ ya bankɔkɔ ya mabota ya batata na bango. Na mbula ya 40 ya boyangeli ya Davidi,+ balukaki bango mpe bamonaki mibali ya nguya mpe ya mpiko na kati na bango na Yazere,+ na Gileade. 32 Bandeko na ye bazalaki 2 700. Bazalaki mibali ya mpiko, bankumu ya mabota ya batata. Bongo Mokonzi Davidi atyaki bango likoló ya Barubene, Bagade, mpe ndambo ya libota ya Bamanase, mpo na makambo nyonso oyo etali Nzambe ya solo mpe makambo ya mokonzi.