Mokanda ya liboso ya Ntango

27 Talá motángo ya Bayisraele, bankumu ya mabota ya batata, bakonzi ya bato nkóto mpe ya bato nkama,+ ná bakambi na bango oyo bazalaki kosalela mokonzi+ na makambo nyonso oyo etali bituluku oyo ezalaki kokɔta mpe kobima sanza na sanza, na basanza nyonso ya mbula; bazalaki bato 24 000 na etuluku mokomoko.

2 Mokonzi ya etuluku ya liboso mpo na sanza ya liboso ezalaki Yashobeame+ mwana ya Zabediele; etuluku na ye ezalaki na bato 24 000. 3 Azalaki moto ya libota ya Pereze,+ mpe nkumu ya bakonzi nyonso ya bituluku oyo etyamaki mpo na kosala na sanza ya liboso. 4 Mokonzi ya etuluku ya sanza ya mibale ezalaki Dodai+ moto ya libota ya Ahoa,+ mpe etuluku na ye ezalaki na bato 24 000. Mikelote nde azalaki mokambi. 5 Mokonzi ya etuluku ya misato oyo etyamaki mpo na kosala na sanza ya misato ezalaki Benaya+ mwana ya Yehoyada,+ nganga-nzambe mokonzi, mpe etuluku na ye ezalaki na bato 24 000. 6 Benaya azalaki elombe ya etumba kati na bato ntuku misato mpe azalaki mokonzi na bango. Mwana na ye Amizabade azalaki mokonzi ya etuluku na ye. 7 Oyo ya minei, mpo na sanza ya minei ezalaki Asahele,+ ndeko ya Yoabe,+ mpe mwana na ye Zebadia azalaki nsima na ye; etuluku na ye ezalaki na bato 24 000. 8 Mokonzi ya mitano mpo na sanza ya mitano ezalaki Shamute moto ya Yizira, mpe etuluku na ye ezalaki na bato 24 000. 9 Oyo ya motoba mpo na sanza ya motoba ezalaki Ira+ mwana ya Ikeshe moto ya Tekoa,+ mpe etuluku na ye ezalaki na bato 24 000. 10 Oyo ya nsambo mpo na sanza ya nsambo ezalaki Heleze+ Mopelone, ya libota ya Efraime, mpe etuluku na ye ezalaki na bato 24 000. 11 Oyo ya mwambe mpo na sanza ya mwambe ezalaki Sibekai+ moto ya Husha, ya libota ya Zera,+ mpe etuluku na ye ezalaki na bato 24 000. 12 Oyo ya libwa mpo na sanza ya libwa ezalaki Abi-ezere+ moto ya Anatote,+ ya libota ya Benyamina, mpe etuluku na ye ezalaki na bato 24 000. 13 Oyo ya zomi mpo na sanza ya zomi ezalaki Maharai+ moto ya Netofa, ya libota ya Zera,+ mpe etuluku na ye ezalaki na bato 24 000. 14 Oyo ya 11 mpo na sanza ya 11 ezalaki Benaya+ moto ya engumba Piratone, ya libota ya Efraime, mpe etuluku na ye ezalaki na bato 24 000. 15 Oyo ya 12 mpo na sanza ya 12 ezalaki Heledai moto ya Netofa, ya libota ya Otiniele, mpe etuluku na ye ezalaki na bato 24 000.

16 Talá baoyo bazalaki bakambi ya mabota ya Yisraele: Na libota ya Rubene, Eliezere mwana ya Zikri azalaki mokambi; na libota ya Simeone, Shefatia mwana ya Maaka; 17 na libota ya Levi: Hashabia mwana ya Kemuele; na bakitani ya Arona: Zadoke; 18 na libota ya Yuda, Elihu,+ moko ya bandeko ya Davidi; na libota ya Isakare, Omiri mwana ya Mikaele; 19 na libota ya Zebulone, Yishimaya mwana ya Obadia; na libota ya Nafatali, Yerimote mwana ya Aziriele; 20 na libota ya Efraime, Hoshea mwana ya Azazia; na ndambo ya libota ya Manase, Yoele mwana ya Pedaya; 21 na ndambo ya libota ya Manase oyo ezalaki na teritware ya Gileade, Ido mwana ya Zekaria; na libota ya Benyamina, Yaasiele mwana ya Abinere;+ 22 na libota ya Dani, Azarele mwana ya Yerohame. Bango nde bankumu ya mabota ya Yisraele.

23 Davidi atángaki te baoyo bazalaki na mbula 20 tii na nse, mpo Yehova alakaki ete akokómisa Yisraele mingi lokola minzoto ya likoló.+ 24 Yoabe mwana ya Zeruya abandaki kotánga bato, kasi asilisaki te; mpe nkanda ya Nzambe engalelaki Yisraele* mpo na likambo yango,+ mpe bakɔtisaki te motángo yango na lisolo ya makambo ya ntango ya Mokonzi Davidi.

25 Mobateli ya bisika ya kobomba biloko ya motuya ya mokonzi+ ezalaki Azemavete mwana ya Adiele. Yonatane mwana ya Uzia azalaki mobateli ya bandako ya kobomba biloko* na esobe, na bingumba, na bamboka mpe na bandako milai. 26 Eziri mwana ya Kelube azalaki mokɛngɛli ya bato oyo bazalaki kosala bilanga. 27 Shimei moto ya Rama azalaki mobateli ya bilanga ya vinyo; Zabedi moto ya Sifimote azalaki mobateli ya bibombelo ya vinyo oyo ebimi na bilanga yango. 28 Baala-hanane ya mboka Gedere azalaki mobateli ya bilanga ya olive mpe ya banzete ya sikomore+ na Shefela;+ mpe mobateli ya bibombelo ya mafuta ezalaki Yoashe. 29 Shitrai moto ya Sharone+ azalaki mobateli ya bitonga ya bangɔmbɛ oyo ezalaki kolya matiti na Sharone; mpe Shafate mwana ya Adelai azalaki mobateli ya bitonga ya bangɔmbɛ na mabwaku patatalu. 30 Obile moto ya libota ya Yishimaele azalaki mobateli ya bakamela; mpe Yehedeya Momeronote azalaki mobateli ya bampunda.* 31 Yazize Mohagri azalaki mobateli ya bitonga ya bampate. Bango nyonso wana bazalaki bakɛngɛli ya biloko ya Mokonzi Davidi.

32 Yonatane,+ mwana ya ndeko ya Davidi, azalaki mopesi-toli; azalaki na mayele mingi mpe azalaki sɛkrɛtɛrɛ. Yehiele mwana ya Hakamoni azalaki kobatela bana ya mokonzi.+ 33 Ahitofele+ azalaki mopesi-toli ya mokonzi, mpe Hushai+ Moarake azalaki moninga* ya mokonzi. 34 Nsima ya Ahitofele, bapesi-toli ezalaki Yehoyada mwana ya Benaya+ mpe Abiatare;+ mpe Yoabe+ azalaki komanda ya limpinga ya mokonzi.