Nzembo

140 Ee Yehova, bikisá ngai na bato mabe;

Batelá ngai na bato ya misala ya mobulu,+

 2 Baoyo bakani kosala makambo mabe na mitema na bango+

Mpe babimisaka matata mokolo mobimba.

 3 Bapelisi lolemo na bango lokola ya nyoka;+

Ngɛngɛ ya etupa ezali na nse ya mbɛbu na bango.+ (Sela)

 4 Ee Yehova, batelá ngai na mabɔkɔ ya moto mabe;+

Bikisá ngai na mabɔkɔ ya bato ya mobulu,

Baoyo bakani kotyela ngai motambo.

 5 Bato ya lolendo batyeli ngai motambo;

Basaleli bansinga mpo na kotanda monyama na nzela.+

 7 Ee Yehova Nkolo Mokonzi-Oyo-Aleki-Nyonso, Mobikisi na ngai ya makasi,

Obateli motó na ngai na mokolo ya etumba.+

 9 Mitó ya baoyo bazali kozinga ngai

Ezipama na makambo mabe oyo ebimi na mbɛbu na bango.+

Bábwaka bango na mɔtɔ,

Na mabulu mozindo,*+ mpo bákoka kotɛlɛma lisusu te.

12 Nayebi ete Yehova akosamba likambo ya moto mpamba

Mpe akokata na bosembo likambo ya mobola.+

13 Ya solo, bato ya sembo bakopesa nkombo na yo matɔndi;

Bato ya makambo alima bakofanda liboso ya elongi na yo.*+