Yobo

30 “Sikoyo basɛki ngai+

Na mibali oyo bazali baleki na ngai,

Baoyo nalingaki koboya

Kotya batata na bango esika moko na bambwa oyo ezalaki kobatela etonga na ngai.

 3 Balɛmbá mpo na mpasi mpe nzala;

Bazali kolyalya mabele oyo ekauká

Oyo esilaki kobebisama mpe etikalaki mpamba.

 4 Bazalaki kobuka matiti ya mungwa pene na banzete ya mike;

Bilei na bango ezali mosisa ya banzete ya retama.

 5 Bazalaki kobengana bango na kati ya bato;+

Bato bazalaki kobelela bango lokola moyibi.

 6 Bafandaka na mipanzi ya mabwaku,*

Na mabulu ya mabele mpe ya mabanga.

 7 Uta na banzete ya mike, bazalaki koganga

Na nse ya matiti ya nsendensende bazalaki kokangana liboke.

 8 Lokola bana ya moto oyo azali zoba, mpe ya moto oyo azangá nkombo,

Babengani bango na mokili.*

 9 Mpe sikoyo bazali kosɛka ngai ata na nzembo na bango;+

Nakómi eloko ya kotyola* epai na bango.+

10 Bayini ngai mpe batɛlɛmi mosika na ngai;+

Bazali kokakatana te kobwakela ngai nsoi na elongi.+

11 Mpo Nzambe alɛmbisi ngai* mpe akitisi ngai,

Bamipekisi te koloba na miso na ngai.

12 Na lobɔkɔ na ngai ya mobali, bazali kotɛlɛma lokola lisangá ya bato mabe;

Basali ete nakima

Mpe bakangi nzela na ngai mpo namona mpasi.

13 Bazali kobuka balabala na ngai nyonso;

Bazali kobakisa mpenza mpasi na ngai,+

Moto moko te apekisi* bango.

14 Bazali kokɔta lokola nde na lidusu moko monene ya efelo;

Bazali kokende na esika oyo ebebisami.

15 Nsɔmɔ ekangi ngai;

Babengani lokumu na ngai lokola mopɛpɛ,

Mpe lobiko na ngai elimwe lokola lipata.

16 Sikoyo bomoi* na ngai ekimi ngai;+

Mikolo ya mpasi+ ekangi ngai.

17 Na butu, mpasi ebukibuki mikuwa na ngai;*+

Mpasi ezali kotika kolya ngai te.+

18 Na nguya monene, elamba na ngai ezali kobongwana;*

Ezali kokanga ngai lokola nkingo ya elamba.

19 Nzambe abwaki ngai na kati ya pɔtɔpɔtɔ;

Nakómi lokola putulu ya mabele mpe putulu ya mɔtɔ.

20 Nazali kobelela yo mpo na koluka lisalisi, kasi ozali koyanola te;+

Natɛlɛmi, kasi otali ngai kaka mpamba.

21 Obalukeli ngai na nkanda nyonso;+

Na nguya nyonso ya lobɔkɔ na yo, ozali kobundisa ngai.

22 Otomboli ngai mpe omemi ngai na mopɛpɛ;

Na nsima oningisi ngai na mopɛpɛ makasi.*

23 Mpo nayebi ete okomema ngai na liwa,

Na ndako epai bato nyonso ya bomoi bakoyangana.

24 Kasi moto moko te akobɛta moto oyo abukani*+

Wana azali kobelela mpo na kosɛnga lisalisi na ntango ya likama.

26 Nazalaki kozela bolamu, kasi mabe nde eyaki;

Nazalaki kozela pole, kasi molili nde eyaki.

27 Motungisi na kati na ngai ezalaki kosila te;

Mikolo ya mpasi ekómelaki ngai.

29 Nakómi ndeko ya bambwa ya zamba,*

Mpe moninga ya bana basi ya maligbanga.*+

30 Loposo na ngai ekómi moindo mpe ekwei;+

Mikuwa na ngai ezali kozika mpo na molunge.*

31 Nzɛnzɛ na ngai ezali kosalelama kaka mpo na kolela,

Mpe piololo na ngai mpo na makɛlɛlɛ ya kolela.