Eloko oyo bilenge bazali na yango mposa lelo oyo

Mwana mwasi moko ya mbula 14 na etúká ya New Jersey, na États-Unis, alobaki ete na ebandeli ya mbula eleki asengelaki kokoma lisoló mokuse likoló na “Ntina oyo banakelasi batalaka na lokasa ya moninga to na kayé na bango na ntango ya mamekani.” Mpo na kosala bolukiluki, amemaki na eteyelo búku Mituna oyo bilenge batunaka​—Biyano bibongi. Moninga moko ya kelasi akamataki búku yango mpe abandaki kotánga mitó na makambo ya biteni ndenge na ndenge ya makambo mazali na kati, na ndakisa “Kosangisa nzoto mpe bizaleli malamu” mpe “Kokutana mbala na mbala, bolingo, mpe koyebana kati na mwasi na mobali.”

Moninga yango ya kelasi atunaki ete: “Nakoki kozwa búku oyo?”

Moyekoli alobaki ete: “Wana ezali ya ngai, nakomemela yo mosusu.” Ayebisi ete: “Ntango nayelaki ye búku yango, moninga mosusu ya kelasi amonaki yango mpe asɛngaki ete namemela ye mpe moko. Mwa moke na nsima, namemaki baekzamplɛrɛ zomi ya búku Mituna oyo bilenge batunaka mpo na banakelasi oyo bazalaki na mposa ya kozwa yango.”

Moyekoli yango ya mbula 14 azali na mayoki ete ebongi mpenza kozala na búku yango. Alobaki ete: “Tozali mpenza na mposa ya mokanda oyo mpamba te kozala elenge na mikolo ya lelo ezali mpasi mingi.”

Soki ozali na mposa ya kozwa búku Mituna oyo bilenge batunaka​—Biyano bibongi to soki olingi ete moto aya kolakisa yo Biblia na ndako, tindá nkomá na Association “Les Témoins de Jéhovah” B.P. 634 Limete, Kinshasa, to na adresi ebongi na yo kati na oyo ezwami na lokasa 5.