Bamoni mpenza ete Nzambe azali bolingo

● Yesu asalisaki biso tómona bonene ya bolingo ya Nzambe. Alobaki boye: “Nzambe alingaki mokili mingi, yango wana apesaki Mwana na ye se moko oyo abotamaki [Yesu], mpo moto nyonso oyo azali kondimela ye abomama te kasi azwa bomoi ya seko.” (Yoane 3:16) Buku Pusaná penepene na Yehova emonisi mpenza bolingo oyo Nzambe alingaka biso mpe elikya kitoko ya bomoi ya seko oyo apesi biso na nzela ya likabo ya Mwana na ye.

Mwasi moko na Floride, na États-Unis akomaki boye: “Nsima ya kotánga mokapo 5, nakómaki mpenza komemya Yehova mpo na bolingo na ye, bwanya na ye mpe nguya na ye. Ntango namanyolaki likoló na biloko oyo asalá, nakómaki kolinga ye mingi na motema na ngai.” Mwasi mosusu na Dakota ya Sudi, na États-Unis alobaki boye: “Esali sikoyo mbula koleka 30, nakokaka te kolinga bato (to komona ete balingaka ngai). Buku oyo ezali kosalisa ngai koleka buku mosusu nyonso.”

Buku Pusaná penepene na Yehova oyo ezali na nkasa 320, elobeli bizaleli minene ya Nzambe: nguya, bosembo, bwanya mpe bolingo. Okoki kosɛnga buku yango soki otondisi mwa eteni ya lokasa oyo ezali awa na nse mpe otindi yango na adrɛsi oyo ebongi na yo kati na baadrɛsi oyo ezali na lokasa 5 ya zulunalo oyo.

□ Nalingi kozwa buku oyo bolakisi awa. Yebisá soki na monɔkɔ nini.

□ Bóya kotala ngai mpo na koyekola na ngai Biblia kozanga nafuta mbongo.