Loyembo 177

Tosengeli kozala bato ya lolenge nini?

(2 Petelo 3:11, NW)

1. Tóbosana te mokolo oy’a Yehova.

Tóbongwana epai na ye, Nzambe na nguya.

Butu eumeli, ntɔ́ng’ekotána.

Mokili’a Satana, sol’ekolimwa.

Tósɛnzɛla, tólɛmba te mpo na malɔmbo.

Wana toli kitoko ya ntomá Petelo.

Tóbondelaka Yah, ye Nzambe ya nguya;

Akopambola biso banso, tokozwa kimya.

2. Esengo mpe kimya na Yah, ekolakisa

Bato bayebani biso mpo na kondima.

Bolingi kozala lolenge nini,

Bino balingami, bato babongi?

Bózala na litɔ́nɔ te, bózala sembo.

Bokonzi, bokosakola na bato banso.

Lobelá makoló, mabelé ya sika.

Boyengebene ekozala kuna libela.

3. Tókangama na mibeko ya Mozalisi.

Tómonisa bizaleli ya basɔkɛmi.

Nkolo alimbisi masumu manso.

Atyami na Nzambe, tokozw’esengo.

Tózala na litɔ́nɔ te, bato ya sembo.

Tosikwami mpo na Nzambe, tózala pɛto.

Soki tolingi Yah, tókangama na ye.

Tokosungama kino nsuka, tokotosa ye.