Etanda ya makambo ezali na kati

Banda kala, koyemba ezalaka na kati ya losambo ya basaleli ya Yehova. Nzokande, bato mosusu bayokaka nsɔni koyemba na miso ya bato. Ndenge nini tokoki kolongola kobanga mpe kosalela mongongo na biso mpo na kokumisa Yehova? Lisolo oyo ekosalisa biso tóyeba ntina ya koyembela Yehova na esengo mpe ekopesa mwa makanisi oyo ekosalisa biso tóyembaka malamu.

Tokoki kozwa mateya minene na ebongiseli ya bingumba ya ekimelo oyo ezalaki na Yisraele. Na lisolo ya liboso, tokotala ndenge moto oyo asali lisumu akoki kokima epai ya Yehova lelo oyo. Na lisolo ya mibale, tokomona ndenge ndakisa ya Yehova ekoki kosalisa biso tólimbisaka basusu, tómemyaka bomoi, mpe tósalaka makambo na bosembo.

Masolo yango mibale euti na toli ya ntoma Paulo epai ya bakristo ya Kolose. Lisolo ya liboso emonisi oyo tosengeli kosala ntango makanisi ya mokili emonani lokola ezali mabe te to ezali kobenda biso. Lisolo ya mibale ezali kokundwela biso ndenge oyo tokoki koboya bizaleli oyo ekoki kozangisa biso mapamboli oyo Yehova alaki.