Mayebisi

◼ Febwali: Tokolakisa buku ya sika Approchez-vous de Jéhovah. Marsi: Tokolakisa buku Boyebi. Tokosala makasi mpo na kobanda koyekola na bato Biblia.

◼ Mokɛngɛli-mokambi to ndeko mosusu oyo ye akopona akotalela kɔnti ya lisangá na mokolo ya 1 Marsi to mwa moke na nsima na yango soki likoki ezali. Soki bataleli yango, bakoyebisa lisangá nsima ya kotánga lapolo ya kɔnti oyo ekolanda. Yebisá mpe makabo oyo lisangá epesi mpo na mosala na biso na mokili mobimba mpe mpo na misala mosusu nyonso oyo ebongiseli ezali kosala.

◼ Mokomeli ya lisangá mpe mokɛngɛli na mosala ya kosakola basengeli kotalela mosala ya babongisi-nzela ya sanza na sanza. Soki moko kati na bango azali na mokakatano ya kokokisa ngonga oyo esɛngami, bankulutu basengeli kozwa bibongiseli mpo ete azwa lisungi oyo esengeli. Mpo na kozwa makanisi, talá nkoma S-201 oyo Biro atindaka mbula na mbula. Talá mpe lisolo oyo ezali na siplema ya Mosala na biso ya Bokonzi ya Mai 1987, na lokasa 3, paragrafe 1-9.

◼ Lisukulu ya ntina mingi (spécial) mpo na mobu 2003 oyo ebongisami mpo na eleko ya Ekaniseli ezali na motó ya likambo “Ngonga ya kosambisa Babilone ekoki?” Ekosalema mokolo ya lomingo mwa 27 Aprili. Masangá oyo bakɛngɛli ya zongazonga bakotala to oyo ekozala na liyangani na pɔsɔ yango, ekotya lisukulu yango ya ntina mingi na pɔsɔ oyo ekolanda. Lisangá moko te esengeli kosala lisukulu yango liboso ya mokolo ya 27 Aprili 2003.