Mayebisi

◼ Mikanda oyo tokolakisa na Aprili mpe na Mai: Linɔ́ngi ya Mosɛnzɛli mpe Lamuká! Ntango bozali kozongela bato oyo basepelaki na nsango na biso mpe baoyo bayaki na Ekaniseli mpe/to na makita mosusu ya lisangá, nzokande bayaka mbala na mbala te na makita ya lisangá, bósala makasi mpo na kotikela bango buku ya sika Tósambela Nzambe kaka moko ya solo. Bosengeli kosala nyonso mpo na kobanda koyekola na bango Biblia, mingimingi baoyo basili koyekola buku Boyebi mpe mwa buku Azali kosɛnga. Yuni: Tokolakisa buku Boyebi to mwa buku Azali kosɛnga. Soki bato oyo tokei kotala bazali na mikanda yango, tokotikela bango mwa buku mosusu oyo eyokani na mposa na bango, oyo ezali na stokɛ ya lisangá. Yuli mpe Augusto: Tokoki kosalela mwa buku nyonso ya nkasa 32 kati na oyo elandi: Bokonzi oyo ekosala Paradis, Nini ekómelaka biso soki tokufi?, Nkombo ya Nzambe oyo ekoumela seko, Ntango moto oyo olingaka akufi, Nzambe azali mpenza komibanzabanza mpo na biso?, Osengeli kondima Trinité?, Quel est le but de la vie? Comment le découvrir?, Sepela na bomoi ya seko na Mabele!, mpe “Tala, nazali kozalisa biloko nyonso biloko na sika.”

◼ Kobanda na sanza Aprili, makarɔ mpo na liyangani ya etúká ya mobu 2003, ekotindama mbala moko na masangá nzela moko na mikanda mosusu. Ekozala na ntina te masangá esala komande na yango. Tokotinda yango 25 na liboke mokomoko na kotalela motángo ya basakoli ya lisangá mokomoko.

◼ Ezali na ntina mingi ete biro ya filiale eyebaka ntango nyonso baadresi mpe banimero ya telefone ya bakɛngɛli-bakambi nyonso mpe bakomeli nyonso ya masangá. Soki mokɛngɛli-mokambi to mokomeli moko akómi na adresi ya sika to azwi nimero ya sika ya telefone, Komite ya Mosala ya lisangá esengeli kotondisa formilɛrɛ Changement d’adresse du surveillant-président/secrétaire (S-29) mpe bakotinda formilɛrɛ yango noki mpenza na biro ya filiale.

◼ Bakomeli ya masangá basengeli ntango nyonso kozala na baformilɛrɛ oyo mwa mingi na libombo: Demande d’admission au service de pionnier permanent (S-205) mpe Demande d’admission au service de pionnier auxiliaire (S-205b). Bokoki kosala komande na yango na formilɛrɛ Demande de publications (S-14). Bózala na baformilɛrɛ yango mingi oyo bokoki kosalela ata koleka mbula mobimba. Ntango bandeko bazongiseli bino formilɛrɛ mpo na kosɛnga mosala ya mobongisi-nzela ya sanza na sanza, bótalaka soki batondisi yango malamu. Soki bandeko oyo bazali kotondisa lokasa yango bazali koyeba lisusu te dati oyo bazwaki batisimo, bakoki kokoma ata dati moko oyo ezali mosika mingi te mpe kobatela dati yango na makanisi.

◼ Soki okosala mobembo na mboka mopaya mpe olingi koyangana na makita, to koyangana na liyangani ya zongazonga, to na liyangani ya etúká kuna, osengeli kotuna makambo oyo etali dati, ngonga, mpe esika oyo yango ekosalema na biro ya filiale oyo etalelaka mosala na mboka yango. Baadresi ya babiro ya filiale etyami na lokasa ya nsuka ya Annuaire ya mbula oyo.

◼ Soki lisangá moko ezali penepene na bolɔkɔ moko, liboso ya kobongisa makita na kati ya bolɔkɔ yango, bankulutu basengeli koyebisa biro ya filiale mpo na kozwa malako.

◼ Tozali kobongisa buku Zwá matomba na mateya ya Eteyelo ya mosala ya Teokrasi na minɔkɔ mwa mingi oyo elobamaka na teritware na biso. Masangá oyo esalelaka monɔkɔ oyo buku yango ebongolami naino te, bakosalela oyo ebongolami na monɔkɔ oyo bato mingi ya lisangá balobaka. Sikoyo, buku ya sika mpo na Eteyelo ya mosala ya Teokrasi ebongolami na Lifalanse, Lingala, Swahili, Monokutuba, Otetela, Tshiluba, mpe Kiluba.