Mayebisi

◼ Mikanda oyo tokolakisa na Marsi: Buku Biblia eteyaka, mpe tokosala makasi tóbanda koyekola na bato Biblia. Aprili mpe Mai: Linɔ́ngi ya Mosɛnzɛli mpe Lamuká! Ntango tokozongela bato oyo basepelaki na nsango malamu, bakisa mpe baoyo bayanganaki na Ekaniseli to na makita mosusu ya lisangá kasi bameseni mpenza te na Batatoli ya Yehova, tósala makasi tólakisa bango buku Biblia eteyaka mpo na kobanda koyekola na bango Biblia. Yuni: Buku Créateur to Bolamu na libota.

◼ Masangá basengeli kokabolaka Linɔ́ngi ya Mosɛnzɛli mpe Lamuká! ya sika mbala moko ntango bazwi yango. Yango ekosala ete basakoli báyeba makambo oyo ezali na kati ya bazulunalo yango liboso ya kokende kolakisa yango na mosala ya kosakola.

◼ Mokɛngɛli-mokambi to ndeko mosusu oyo ye akopona akotalela kɔnti ya lisangá mpo na sanza ya Desɛmbɛ, Yanuali, mpe Febwali. Soki bataleli yango, bakoyebisa lisangá nsima ya kotánga lapolo ya kɔnti oyo ekolanda.​—Talá formilɛrɛ Instructions pour la comptabilité des congrégations (S-27).

◼ Tozwi bibongiseli mpo masangá etindela biro ya filiale balapolo ya Ekaniseli na nzela ya telefone (SMS). Elingi koloba te ete masangá ekotinda lisusu te formilɛrɛ S-7, kasi ebongiseli yango ekopesa nzela ete biro ezwa balapolo ya Ekaniseli ya masangá nyonso. Mokɛngɛli-mokambi asengeli kotánga lisusu mokanda ya biro ya 15 Desɛmbɛ 2006, oyo elobeli likambo yango.

◼ Lamuká! ya Mai 2007 (na Lifalanse) ekozala na lisolo moko oyo elobi: “Ndenge ya kobundabunda mpo na kobika na mokili oyo etondi na bazwi mpe babola.” Lokola lisolo yango ezali na ntina mingi, bakobakisela masangá bazulunalo (10 %) koleka ndenge bazwaka.

◼ Mokɛngɛli-mokambi akosɛnzɛla ete mikanda ya botɔndi oyo biro etindaka sanza na sanza soki ezwi makabo oyo lisangá etindaki mpo na kopesa mabɔkɔ na mosala ya kosakola na mokili mobimba to mpo na makambo mosusu, etángamaka na Likita ya mosala. Bakoyebisa mpe bandeko mosala oyo biro esalaka na makabo yango mpe bakomonisa ete biro esepelaka mingi na makabo yango, ezala oyo ya mike.​—Talá Luka 21:1-4.