“Nakozwa mokanda na yo soki ozwi oyo ya ngai”

Bato mosusu balobaka na biso ndenge wana. Topesaka te mikanda na biso oyo elimbolaka Biblia mpo bato bápesa biso mikanda na bango oyo epalanganisaka lokuta. Na yango, ndenge nini tokoki koyanola na mayele soki moto alobi na biso bongo? (Rom. 1:25) Tokoki koloba boye: “Matondi mpo na likabo na yo. Mokanda yango elobi nini mpo na oyo etali kosilisa bampasi ya bato? [Tiká ye apesa eyano. Soki asɛngi yo otánga mokanda na ye mpo na kozwa eyano, okoki komonisa ye ete liboso otikela ye mokanda oyebisaki ye naino makambo ezali na kati. Na nsima, tángá to lobelá Matai 6:9, 10.] Yesu amonisaki ete Bokonzi ya Nzambe ekosala ete mokano ya Nzambe ekokisama awa na mabele. Na yango, natángaka kaka mikanda ya losambo oyo elobelaka Bokonzi ya Nzambe. Nakoki kolakisa yo na Biblia makambo mosusu ya sikisiki oyo Bokonzi ya Nzambe ekosala?”