“Kotondisa lobɔkɔ na likabo mpo na Yehova”

Ndenge nini tokoki ‘kotondisa lobɔkɔ na biso lelo na likabo mpo na Yehova’? (1Nt 29:5, 9, 14) Awa na nse bamonisi lolenge ekeseni oyo tokoki kopesa makabo mpo na kosunga mosala ya Batatoli ya Yehova na mboka na biso to mpo na mokili mobimba.

MAKABO OYO EPESAMAKA NA NZELA YA INTERNET TO OYO ETYAMAKA NA BAKƐSI YA MAKABO ESUNGAKA:

• 

  MOSALA YA KOSAKOLA NA MOKILI MOBIMBA

  kotonga mpe kotambwisa misala ya Babetele mpe ya babiro ya kobongola mikanda

  biteyelo ya teokrasi

  bandeko oyo bamipesá kaka na mosala ya ntango nyonso

  kosalisa bandeko oyo bazwi makama

  kobimisa mikanda, kosala bavideo, mpe kobimisa mikanda to bavideo na site Internet na biso

• 

  LISANGÁ NA MBONGO OYO EBIMISAKA

  mbongo oyo lisangá ebimisaka, na ndakisa kofuta kura to mai mpe biloko ya ntina mpo na kobongisa Ndako ya Bokonzi

  bikateli nyonso oyo lisangá ezwaka ya kotinda mbongo na biro ya filiale mpo na:

  • kotonga Bandako ya Bokonzi mpe ya mayangani na mokili mobimba

  • mosala ya kopesa lisungi na mokili mobimba

  • makambo mosusu oyo etali mosala ya kosakola na mokili mobimba

MAYANGANI YA MIKE MPE YA MINENE

Makabo oyo topesaka na mayangani ya etúká etindamaka mpo na mosala ya kosakola na mokili mobimba. Kasi, mbongo yango oyo etindamaka mpo na mosala ya kosakola na mokili mobimba nde esalelamaka mpo na kobongisa mayangani ya etúká, ya sipesiale, mpe oyo esangisaka mikili mingi.

Makabo oyo topesaka na liyangani ya zongazonga esalelamaka mpo na kofutela, kosalela mpe kobatela esika ya liyangani; esalelamaka mpe mpo na bamposa mosusu ya zongazonga. Zongazonga ekoki kozwa ekateli ya kotinda mbongo mosusu mpo na mosala ya kosakola ya Batatoli ya Yehova na mokili mobimba soki eleki mingi.