MAKAMBO YA MOTUYA NA LILOBA YA NZAMBE | MISALA 25-26

Paulo asɛngi akende kosamba epai ya Kaisala mpe na nsima apesi Mokonzi Erode Agripa litatoli

Atako tosengeli komitungisa te mpo na oyo tokoloba ntango ‘bakomema biso liboso ya baguvɛrnɛrɛ mpe bakonzi,’ tosengeli ‘komibongisa mpo na koloba’ liboso ya moto nyonso oyo atuni biso ntina ya elikya na biso. (Mt 10:18-20; 1Pe 3:15) Soki batɛmɛli baluki “kobimisa mpasi na nzela ya mobeko,” ndenge nini tokoki komekola ndakisa ya Paulo?—Nz 94:20.

Tosalelaka ntomo oyo mibeko epesi biso mpo na kokɔtela nsango malamu.—Mis 25:11
Tozalaka na limemya ntango tozali koloba liboso ya bakonzi ya Leta.—Mis 26:2, 3
Soki esengeli, tomonisaka bango ndenge oyo nsango malamu ememeli biso mpe bato mosusu matomba.—Mis 26:11-20