08-14/04

MAKAMBO YA MOTUYA NA LILOBA YA NZAMBE

Mokonzi Davidi azali kobondela na etingya.

1. Oyo Davidi asalaki mpo atikala sembo

(Min. 10)

Davidi asɛngaki Yehova apɛtola ye (Nz 26:1, 2; w04 1/12 lok. 14 par. 8-9)

Davidi aboyaki boninga ná bato mabe (Nz 26:4, 5; w04 1/12 lok. 15 par. 12-13)

Davidi azalaki kolinga kosambela Yehova (Nz 26:8; w04 1/12 lok. 16 par. 17-18)

Atako Davidi asalaki mabunga, atambolaki na “bosembo.” (1Ba 9:4) Bosembo ya Davidi emonanaki na ndenge akangamaki na Yehova mpe alingaki ye na motema mobimba.

2. Biloko ya motuya ya elimo

(Min. 10)

Nz 27:10—Ndenge nini vɛrsɛ yango ekoki kobɔndisa biso ntango tomiyoki ete baninga na biso ya motema basundoli biso? (w06 15/7 lok. 28 par. 15)

Eyano na yo
Biloko nini ya motuya ozwi na botángi ya Biblia ya pɔsɔ oyo, oyo okosepela kolobela?

Eyano na yo

3. Botángi ya Biblia

(Min. 4) Nz 27:1-14 (th liteya 2)

OMIPESA NA MOSALA YA KOSAKOLA

4. Ndenge ya kobanda lisolo

(Min. 2) NDAKO NA NDAKO. Pesá ye traktɛ moko oyo ezali na kati ya Bisaleli mpo na koteya. (th liteya 3)

5. Kolandela bokoli

(Min. 4) NDAKO NA NDAKO. Bólobela motuna oyo ezali na nsima ya traktɛ oyo otikelaki moto mbala eleki. Lobelá site jw.org, mpe lakisá ye mwa makambo oyo akoki komona kuna. (lmd liteya 9 pwɛ 3)

6. Diskur

(Min. 5) lmd apɛndisi A pwɛ 3—Motó ya likambo: Mopɛpɛ ekobeba lisusu te mpe mabele ekozonga paradiso. (th liteya 13)

BOMOI YA BAKRISTO

7. Bilenge oyo babatelaka bosembo

(Min. 15) Lisolo na bayangani.

Elenge moko azali kokanisa mpo na vɛrsɛ oyo auti kotánga. Na tablɛti na ye pembeni, atye video “Bolenge na ngai—⁠Ndenge nini nakoki kotɛmɛla mbamba ya kosangisa nzoto?” Ezali kolakisa esika Yozefe azali kokima mwasi ya Potifare.

Bilenge bakristo basengeli kobunda mpenza mpo na kobatela bosembo. Babundisaka nzoto na bango ya kozanga kokoka mpe babundaka mpo na kotikala pɛto na eleko ya bolenge, ntango mposa makasi ya kosangisa nzoto ekoki kobebisa likoki ya elenge ya kozwa bikateli. (Ro 7:21; 1Ko 7:36) Basengeli mpe kotɛmɛla mbamba makasi oyo basusu batyaka bango mpo básangisa nzoto, ezala na moto oyo azali molongani na bango te, to mpe basi na basi mpe mibali na mibali. (Ef 2:2) Tosepelaka mingi na bilenge oyo bazali kokoba kobatela bosembo na bango.

Lakisá VIDEO Bolenge na ngai—Ndenge nini nakoki kotɛmɛla mbamba ya kosangisa nzoto? Na nsima, otuna bayangani boye:

Mbamba nini bazalaki kotya Cory mpe Kamryn?

Eyano na yo
Nini esalisaki bango bábatela bosembo?

Eyano na yo
Toli nini ya Biblia ekoki kosalisa yo soki okutani na likambo ya ndenge wana?

Eyano na yo

8. Boyekoli ya Biblia na lisangá

(Min. 30) bt mok. 8 par. 5-12