28/04–04/05

MAKAMBO YA MOTUYA NA LILOBA YA NZAMBE

1. Koloba yango te

(Min. 10)

Koloba te likambo oyo ekoki kosala “mozalani” na yo mabe (Mas 11:9; w02 15/5 26 par. 4)

Koloba te likambo oyo ekabolaka (Mas 11:11; w02 15/5 27 par. 2-3)

Koloba te likambo oyo ezali sɛkɛlɛ (Mas 11:12, 13; w02 15/5 27 par. 5)

Bandeko mibali mibale bazali kosolola na Ndako ya Bokonzi. Moko na bango azali koloba mabe mpo na ndeko mobali mosusu oyo azali koya epai na bango.

MPO NA KOMANYOLA: Ndenge nini maloba ya Yesu oyo ezali na Luka 6:45 esalisaka biso tóboya maloba oyo ezokisaka?

2. Biloko ya motuya ya elimo

(Min. 10)

Mas 11:17—Na ndenge nini komonisa boboto ememelaka biso matomba? (g20.1 11, etanda)

Eyano na yo
Biloko nini ya motuya ya elimo oyo ozwi na botángi ya Biblia ya pɔsɔ oyo, okosepela kolobela?

Eyano na yo

3. Botángi ya Biblia

(Min. 4) Mas 11:1-20 (th liteya 5)

OMIPESA NA MOSALA YA KOSAKOLA

4. Ndenge ya kobanda lisolo

(Min. 4) LITATOLI YA LIBAKU MALAMU. Luká libaku ya kosolola na moto likambo oyo oyekolaki na makita oyo eleki. (lmd liteya 2 pwɛ 4)

5. Kolandela bokoli

(Min. 4) LITATOLI YA LIBAKU MALAMU. Bólobela video moko oyo ezali na kati ya Bisaleli mpo na koteya. (lmd liteya 8 pwɛ 3)

6. Kokómisa bato bayekoli

(Min. 4) NA BISIKA YA BATO NYONSO. Yebisá moto ete olingi koyekola na ye Biblia mpe lakisá ye ndenge esalemaka. (lmd liteya 10 pwɛ 3)

BOMOI YA BAKRISTO

7. Kotika te ete lolemo na yo elongola kimya

(Min. 15) Lisolo na bayangani.

Lokola tozali bato ya kozanga kokoka, tobɛtaka mabaku. (Yak 3:8) Kasi, soki tokanisi mikakatano oyo koloba makambo ya mabe ebimisaka, ekosalisa biso tóboya koloba makambo oyo ekosala ete tóyoka mawa na nsima. Talá mwa lolenge ya maloba oyo ekoki kolongola mpenza kimya na lisangá:

Komikumisa. Yango ekoki kotinda basusu báluka kokóma lokola biso mpe báyokela biso likunya.—Mas 27:2
Maloba ya lokuta. Yango esuki kaka te na koloba makambo oyo ezali solo te kasi ezali mpe koloba maloba oyo toyebi malamu ete ekobungisa basusu nzela. Ata lokuta moke kaka ekoki kosala ete bátyela biso lisusu motema te mpe ekoki kobebisa lokumu na biso.—Mos 10:1
Kotɔnga. Yango ezali kolobaloba makambo oyo etali bato mpe bomoi na bango, oyo ezali kobalola makambo to kobimisa makambo oyo bato mosusu basengeli koyeba te. (1Ti 5:13) Yango ekoki kobimisa koswana mpe bokabwani.
Maloba ya nkanda. Yango ezali maloba oyo tokoki koloba kozanga kokanisa epai ya moto oyo asilikisi biso. (Ef 4:26) Yango ekoki kozokisa moto.—Mas 29:22

Bililingi ya video “‘Bólongola’ makambo oyo ebebisaka kimya—⁠Video ya mokuse.” 1. Emily ná Celia bafandi na restora. Celia azali kotala na telefone makambo oyo Haley atye na site ya kosolola na bato. 2. Haley azali koloba na Celia na nkanda na parkingi ya Ndako ya Bokonzi.

Lakisá VIDEO “Bólongola” makambo oyo ebebisaka kimya—Video ya mokuse. Na nsima tuná bayangani boye:

Ndenge nini maloba na biso ekoki na pɛtɛɛ nyonso kolongola kimya na kati ya lisangá?

Eyano na yo

Mpo na komona ndenge oyo kimya ezongaki, talá Luká kimya mpe landá yango.’

8. Boyekoli ya Biblia na lisangá

(Min. 30) bt mok. 25 par. 14-21