Mpo na kosolola na libota — Watchtower MIKANDA OYO EZALI NA INTERNET

Mpo na kosolola na libota

Ekeseni na nini?

Okoki kobimisa makambo misato oyo ekesenisi bililingi ya A mpe B? Komá biyano na yo na mikɔlɔtɔ oyo ezali awa na nse, mpe tondisá bililingi yango mpe tyá yango langi.

LISALISI: Tángá Kobima 25:10-22.

1. ․․․․․

2. ․․․․․

3. ․․․․․

4. Elilingi nini ezali malamu, elilingi ya A to B?

MPO NA KOSOLOLA:

Sanduku ya kondimana ezalaki komonisa nini mpo na Yisraele?

LISALISI: Tángá Kobima 25:22; Balevi 16:2.

Atako sanduku ezalaki, likambo ya ntina ezalaki mpenza nini?

LISALISI: Tángá Yosua 7:1-6, 11, 12.

Mpo na nini botosi ezali na ntina soki olingi kosepelisa baboti na yo mpe Yehova?

LISALISI: Tángá 1 Samwele 15:22, 23; Baefese 6:1-3.

MAKAMBO YA KOSALA NA LIBOTA:

Sɛngá na moto mokomoko ya libota asala bolukiluki na likambo etali sanduku ya kondimana. Na nsima, bókutana mpe moto na moto ayebisa nini azwi. Na ndakisa, na boumeli ya ntango, bazalaki kobomba biloko nini na sanduku? Bóyema yango, mpe na nsima bólobela ntina na yango.

LISALISI: Tángá Baebre 9:4.

Sanduku esengelaki komemama ndenge nini? Likambo nini esalemaki ntango Davidi atosaki te malako ya Yehova mpo na komema sanduku?

LISALISI: Tángá Kobima 37:5; 1 Ntango 13:7, 9-14; 15:12-15.

Bombá yango mpo na koyekola

Katá, gumbá na ndambo mibale mpe bombá

LOKASA 6 ABELE

MITUNA

A. Nani abomaki Abele?

B. Ndenge nini Yehova atalelaki Abele mpe mbeka na ye?

C. Tondisá esika oyo etikali mpamba. Abele asalaki lokola ․․․․․.

[Etanda]

4026 L.T.B. Adama akelamaki

Azalaki na bomoi na mobu soki 3900 L.T.B.

1 T.B.

98 T.B. Mokanda ya nsuka ya Biblia ekomamaki

[Karte]

Afandaki te na elanga ya Edene

Elanga ya Edene?

ABELE

NA MOKUSE

Mwana ya mibale ya Adama ná Eva mpe moto ya liboso ya kondima oyo Biblia etángi. Abele amonisaki ete azali na mposa Nzambe andima ye na ndenge apesaki mbeka oyo ebongi. Atako Biblia elobeli te likambo moko oyo Abele alobaki, atikelá biso mpenza ndakisa ya kondima oyo tosengeli kolanda.—Ebandeli 4:1-11; Baebre 11:4.

BIYANO

A. Ndeko na ye Kaina.—1 Yoane 3:11, 12.

B. “Azalaki kondima.”—Ebandeli 4:4.

C. Mokɛngɛli ya bampate.—Ebandeli 4:2.

● “MPO NA KOSOLOLA NA LIBOTA” biyano ezali na lokasa 20

BIYANO YA LOKASA 29

1. Makonzí mpe mpɛtɛ ezangi.

2. Mapapu ya bakeruba esengeli kozipa ezipeli.

3. Bilongi ya bakeruba esengeli kotala ezipeli.

4. B.