Loyembo 49

Yehova, Nzambe Monene!

(Nzembo 95:3)

1. Ɛ Yehova, yo Nzambe na seko;

Banzela na yo sembo, tokokumisa sé yo.

Yo nde Tata, Mopesi Mibeko,

Libangá, Mosambisi, yo Mokonzi.

Ɛ Nzambe ya mawa mpe na boboto,

Salisá biso tómekola yo.

Tozali kokumisa nkombo na yo;

Kosalela yo ezali esengo.

Yo Mozalisi na biso banso.

Nyonso euti na yo.

2. Ɛ Yehova, yo Sembo, Mosantu;

Tokosalela sé yo mpo y’olingi bosembo.

Yo nd’ekimelo, nguya na solo

Mpo na libota na yo oy’a bulee.

Ɛ Nzambe ya mayele mpe na solo,

Tokobanga yo bileko binso.

Tozali mpenza kokima masumu

Mpe tokangami na mosala na yo.

Ozali mpenza kosunga biso

Mpo tomipesi na yo.

3. Ɛ Yehova, yo Mokɛngɛli mpe

Molakisi monene; y’otondi boboto bɛɛ.

Yo Mobikisi, yo nde Mosungi;

Y’okoyoka malɔmbo na basembwi.

Ɛ Nzambe ya ngolu mpe na bokabi,

Kimya, basaleli na yo bazwi.

Soki okokisi mokano na yo,

Bato bakosɛnzwa na nsɔmɔ mingi.

Yehova Nzambe, olingi biso,

Tokosalela sé yo.