Loyembo 183

Esika ya bilenge kati na ebongiseli ya Nzambe

(Nzembo 148:12, 13)

1. Banso, tozwi esika n’ebongiseli

Oy’a Nzambe mpo ’te tókumisa Ye.

Mibangé, kasi bilenge nde batondi,

Bazali kosakola Bokonzi bɛɛ.

Bilenge batatoli bisika binso.

Tólendisami na mpiko na bango.

Mikóló bazali nde kotosa bango.

Mpe bandimami na Yehova Nkolo.

2. Bilenge nyons’oyo bayebi Yehova,

Esengo, nsai’ekozala na bango.

Paladiso’ekosalema awa ó nsé

—Nzamb’akopesa bomoi ya seko.

Awa nsuka ya mabe nyons’ebɛlɛmi,

Tóbundisami na biloko mabe.

Tóluka kolóng’elimo ya mokili,

Tótikala sembo mpe na molende.

3. Mpo nini kozwa baninga na mokili?

Bóluka baninga, bato ya Nzambe.

Bilenge, bósala misala ya pɛto;

Bókangama na mosala ya Nzambe.

Bólukaka bandeko basunga bino.

Bóyebisa mitungisi na bino.

Bótya motema na bino’epai na Nzambe;

Mpe bososoli nde bokozwa yango.

4. Biso, tondimami kati na lisangá;

Tokosungama na Mwana ya Nzambe.

Tózala bobele n’esika na biso;

Tózala pene na ye, tótosa ye.

Tokomekola te mokili’oyo mabe;

Na Liloba ya Nzambe, topɛtwami.

Mibangé mpe bilenge, tókumisa Yah,

Na yango nde biso tokozwa bomoi.