Eteni 1

Nzambe akoki kosalisa yo omibongisa mpo na mokolo na ye monene

Mosakoli ya Nzambe alobaki ete “mokolo monene ya Yehova ekómi pene.” (Sefania 1:14) Mokolo yango ezali koya mbangu mpenza, yango wana tosengeli kobatela yango na makanisi na biso. Oyebi ete baoyo babengamaka Basakoli ya Mike bazali na likambo moko ya ntina ya koyebisa yo mpo na mokolo yango monene? Mokapo 1 tii 3 ya buku oyo ekosalisa yo oyeba malamu basakoli yango 12 mpe makambo oyo ezali na mikanda na bango. Na yango, okozwa litomba na makambo oyo bakomaki, okozwa mateya oyo ekosalisa yo na bomoi na yo.